پشاور پولیس نے کمسن ملزم کو گرفتار کرکے چوری کیا گیا 95 تولہ سونا برآمد کرلیا

پولیس نے ملزم کی نشاندہی پر چوری شدہ 95 تولہ سونا، 2 لاکھ روپے اور دیگر اشیاء برآمد کرلیں۔ فوٹو: فائل

---

پشاور میں پولیس نے گھر سے 95 تولے سونا اور نقدی چوری کرنے والے کمسن گھریلو ملازم کو گرفتار کرکے تمام اشیاء برآمد کرلیں۔

ایکسپریس نیوز کے مطابق حیات آباد فیزون کے رہائشی نے پولیس کوبتایا کہ وہ اہل خانہ کےساتھ شادی میں شرکت کے لئے گیا ہوا تھا اور دوران دیکھ بھال کے لئےکم سن ملازم گھر پر موجودتھا، جب گھر واپس آئے تو الماری کے تالے ٹوٹے ہوئے تھے اور قیمتی سامان غائب تھا۔ پولیس نے تحقیقات کے دوران گھر کے 12 سالہ ملازم کو شامل تفتیش کیا اور اس کی نشاندہی پر چوری شدہ 95 تولے سونا، 2 لاکھ روپے نقدی اور موبائل فونز سمیت دیگر اشیاء برآمد کر لیں۔