KARACHI:
آسٹریلیا کے خلاف پاکستان کے آل راؤنڈرشاہد آفریدی کی شرکت مشکوک ہوگئی۔
شاہدآفریدی آسٹریلیا کے خلاف تیسرے ایک روزہ میچ میں بائیں انگوٹھے میں چوٹ لگنے کی وجہ سے زخمی ہوگئے تھے ۔ٹیم مینجر نوید اکرام چیمہ کے مطابق شاہد آفریدی کی ٹی ٹوئنٹی سیریز میں دستیابی سے متعلق ڈاکٹروں کی رائے کا انتظار کررہے ہیں۔
نوید اکرام چیمہ نے ایکسپریس ٹریبیون سے بات چیت کرتے ہوئے مزید کہا کہ ہم ڈاکٹرزکی رائے کے بعد ہی شاہدآفریدی کو ٹی ٹوئنٹی سیریزمیں شامل کرنے سے متعلق کوئی حتمی فیصلہ کرپائیں گے۔پاکستان اورآسٹریلیا کے درمیان3 ٹی ٹوئنٹی میچز کی سیریز بدھ سے دبئی کے اسپورٹس سٹی کرکٹ اسٹیڈیم میں کھیلے جائیں گے۔خیال ظاہرکیا جارہا ہے کہ شاہد آفریدی پہلے دوٹی ٹوئنٹی میچز نہ کھیل پائیں کیوں کہ ٹانکوں کو سوکھنے میں 3سے 5دن لگ سکتے ہیں۔