ترک صدر 2 روزہ دورے پرآج پاکستان پہنچیں گے

ترک صدر 14 فروری کو پارلیمنٹ کے مشترکہ اجلاس سے خطاب بھی کریں گے، ذرائع ۔ فوٹو : فائل

---

ترکی کے صدر رجب طیب اردوان 2 روزہ دورے پر آج پاکستان آرہے ہیں۔

ترک صدر رجب طیب اردوان دوروزہ دورے پرآج اسلام آباد پہنچیں گے، ان کی پاکستان آمد سے متعلق سیکورٹی انتظامات مکمل کرلئے گئے ہیں، نور خان ایئربیس کے گرد سیکیورٹی ہائی الرٹ رہے گی۔

صدرمملکت ڈاکٹر عارف علوی ترک ہم منصب کے اعزاز میں عشائیہ دیں گے جس میں وزیر اعظم عمران خان،اعلیٰ سول اور عسکری قیادت شریک ہوگی۔ رجب طیب اردگان صدر مملکت اور وزیر اعظم سے الگ الگ ملاقاتیں بھی کریں گے۔

ذرائع کے مطابق ترک صدر کے دورے کے دوران مختلف شعبوں میں تعاون کے معاہدے بھی ہوں گے جب کہ 14 فروری کو پارلیمنٹ کا مشترکہ اجلاس بھی ہوگا جس سے وہ خطاب بھی کریں گے۔