سانگھڑ منشیات فروشوں کیخلاف کریک ڈاؤن 9 ملزمان گرفتار درجنوں گاڑیاں برآمد

پولیس کی بھاری نفری کی مختلف علاقوں میں کارروائیاں، بھاری مقدار میں چرس، شراب اور دیگر منشیات قبضے میں لے لی۔ فوٹو : فائل

---

PARIS: پولیس کا منشیات فروشوں کیخلاف کریک ڈاؤن ،بھاری مقدار میں شراب چرس اور مسروقہ موٹر سائیکلیں برآمد، 9 افراد گرفتار کرلئے گئے۔

تفصیلات کے مطابق ایس ایچ او محمد جمن کھوسہ کی زیر قیادت پولیس نے کارروائی کے دوران نظامانی محلہ سے بدنام زمانہ منشیات فراش کھبر خان نظامانی کو گرفتار کرکے 1100 گرام چرس برآمد کر لی، دوسری طرف گل عرف بلو نظامانی کے اڈے سے 200 گرام چرس برآمد کی، ملزم فراد ہوگیا، شراب کی بھٹی پر چھاپہ مار کر 6 مسروقہ موٹرسائیکلوں سمیت 9 لیٹر شراب برآمد کرکے 4 ملزمان گرفتار کر لیے۔



علاوہ ازیں پولیس کی بھاری نفری نے اشرف مری کی زرعی زمین پر قائم شراب کی بھٹی پر چھاپہ مار کر 9 سو لیٹر کچی شراب اور 6 موٹرسائیکلیں قبضہ میں لے کر 4 افراد بابر مسیح، خادم کھوسو، دیالو کچھی،مھیٹو بھیل کو گرفتار کرکے کیس داخل کر لیا، کچی شراب مختلف دیہات میں فروخت کی جاتی تھی۔