ٹھٹھہ ایک کروڑ کی نادہندگی پر حیسکو نے سو کنکشنز کاٹ دیے

چھاپہ مار ٹیم کی مختلف علاقوں میں کارروائی، بجلی چوروں اورنادہندگان کوہرگز نہیں چھوڑیں گے، ایس ڈی او کی میڈیا سے گفتگو۔ فوٹو: فائل

---

بجلی کے لاکھوں روپے کی عدم ادائیگی کے خلاف حیسکو کا مکلی میں آپریشن، سو سے زائد کنکشن منقطع کر دیے گئے۔

بجلی چوروں کو کسی حالت میں نہیں بخشا جائے گا، ایس ڈی او کی میڈیا سے بات چیت، تفصیلات کے مطابق بجلی کے ایک کروڑ سے زائد واجبات کی عدم ادائیگی پر حیسکو ٹیم کے انچارج وایس ڈی او وسیم کورائی نے مکلی کے مختلف مقامات پر چھاپے مار کر سو سے زائد کنکشن منقطع کر دیے۔



ایس ڈی او نے میڈیا سے بات چیت کرتے ہوئے کہا کہ بجلی چوروں اور نادہندگان کے خلاف آپریشن جاری رہے گا اور کسی کو نہیں بخشا جائے گا، انھوں نے عوام سے اپیل کی کہ وہ اپنے ذمے بقایاجات فوری جمع کرائیں اگر 50 ہزار سے زائد کے بقایاجات 15 دن کے اندر نہیں جمع کرائے گئے تو ان کے خلاف ایف آئی آر کٹوائی جائے گی۔