پولیس اور رینجرز کے ٹارگٹڈ آپریشن میں97 ملزمان گرفتار اسلحہ برآمد

پولیس نے چھاپوں میں 16 ملزمان کو گرفتار کر کے 4 پستول ، 9 راؤنڈ ز، 3 گاڑیاں ، ایک موٹر سائیکل برآمد کر لی. اے ایف پی / فائل

---

پولیس اور رینجرز نے شہر کے مختلف علاقوں میں ٹارگٹڈ آپریشن اور چھاپہ مار کارروائیوں کے دوران97 ملزمان کو گرفتار کر کے ان کے قبضے سے اسلحہ برآمد کر لیا۔

گزشتہ روز ویسٹ زون پولیس نے چھاپہ مار کارروائیوں میں17جرائم پیشہ عناصر کو گرفتار کر کے ان کے قبضے سے6 پستول21 راؤنڈز ، نقد رقم اور منشیات برآمد کر لی، ایسٹ زون پولیس نے چھاپوں میں 16 ملزمان کو گرفتار کر کے 4 پستول ، 9 راؤنڈ ز، 3 گاڑیاں ، ایک موٹر سائیکل برآمد کر لی ہے ،رینجرز نے غوثیہ کالونی ، مجید کالونی ، مدینہ کالونی اور دیگر علاقوں میں چھاپہ مار کارروائیوں کے دوران 64 ملزمان کو حراست میں لے لیا۔