باغیوں کے میزائل حملے میں شامی فوج کا ہیلی کاپٹر تباہ 2 پائلٹس ہلاک

میزائل لگتے ہی ہیلی کاپٹر میں آگ بھڑک اُٹھی، فوٹو : رائٹرز

---

باغیوں کے علاقے میں شامی فوج کے ہیلی کاپٹر کو میزائل حملے میں تباہ کردیا گیا جس کے نتیجے میں دونوں پائلٹس ہلاک ہوگئے۔

عالمی خبر رساں ادارے کے مطابق شام میں ترک حمایت یافتہ جنگجوؤں کے علاقے میں شامی فوج کے ہیلی کاپٹر کو زمین سے فضا میں مار کرنے والے میزائل سے نشانہ بنایا گیا، میزائل لگنے سے ہیلی کاپٹر میں آگ بھڑک اُٹھی اور ہچکولے کھاتے ہوئے زمین بوس ہوگیا۔

BREAKING - Opposition fighters west of #Aleppo have downed a #Syria military helicopter with a #MANPADS.

That’s the 2nd downing with a surface-to-air missile in a week. I can’t fathom why the SyAF renewed helicopter flights today.https://t.co/BsNEgQVg39

— Charles Lister (@Charles_Lister) February 14, 2020

ریسکیو اداروں نے امدادی کاموں کا آغاز کرتے ہوئے ہیلی کاپٹر کے ملبے سے دو پائلٹس کی لاشوں کو نکال لیا ہے۔ ترکی سے جنم لینے والی عسکریت پسند جماعت ' نیشنل لبریشن فرنٹ' نے میزائل حملے کی ذمہ داری قبول کرلی ہے۔

یہ خبر پڑھیں : شام میں اسرائیلی طیاروں کی ایرانی ٹھکانوں پر بمباری، 7 اہلکار ہلاک

واضح رہے کہ گزشتہ ہفتے بھی اس علاقے میں شامی فوج کے ایک ہیلی کاپٹر کو میزائل حملے میں تباہ کردیا گیا تھا جس میں شامی فضائیہ کے 3 اہلکار ہلاک ہوگئے تھے۔ اس علاقے میں ترکی کے حمایت یافتہ باغیوں کا کنٹرول ہے جو کرد جنگجوؤں کیخلاف برسرپیکار ہیں۔