جب بھی آزمائش کا وقت آیا نعیم الحق کو ساتھ کھڑا پایا عمران خان

نعیم الحق کو دو برس تک ہمت کے ساتھ کینسر سے لڑتے دیکھا، وہ آخری وقت تک پارٹی معاملات میں شریک رہے، وزیر اعظم (فوٹو : عمران خان ٹویٹر)

---

وزیر اعظم عمران خان نے کہا ہے کہ سب سے پرانے دوست نعیم الحق کی رحلت پر میرا دل نہایت شکستہ اور مغموم ہے، جب بھی ہم پر کڑی آزمائش کا وقت آیا میں نے انہیں اپنے شانہ بشانہ پایا۔

تحریک انصاف کے بانی رکن نعیم الحق کے انتقال پر اظہار افسوس کرتے ہوئے وزیر اعظم عمران خان نے ٹویٹ کیا اور ماضی کی ایک تصویر شیئر کی جس میں وہ اور نعیم الحق ساتھ نظر آرہے ہیں۔

گزشتہ دو برس کے دوران میں نے انہیں نہایت ہمت اور امید سے سرطان کیخلاف لڑتے دیکھا۔ آخری لمحات تک وہ جماعتی معاملات میں شامل رہے اور جب تک ان کے بس میں رہا کابینہ کے اجلاسوں میں بھی شریک ہوتے رہے۔ انکی رحلت سے ایسا خلا پیدا ہوا ہے جو کبھی پر نہ ہو پائے گا۔

— Imran Khan (@ImranKhanPTI) February 15, 2020

وزیر اعظم نے کہا کہ دو برس کے دوران میں نے نعیم الحق کو ہمت کے ساتھ کینسر سے لڑتے ہوئے دیکھا، وہ آخری وقت تک پارٹی کے معاملات میں شریک رہے، ان کے جانے سے جو خلا پیدا ہوا ہے وہ کبھی پر نہیں ہوسکے گا۔

یہ پڑھیں : تحریک انصاف کے بانی رہنما نعیم الحق انتقال کرگئے