لاہور سے کراچی آنے والی بزنس ٹرین سے 31 کروڑ روپے مالیت کی ہیروئن برآمد

پولیس نے تحقیقات کا آغاز کرتے ہوئے بلٹی کے دستاویزات کے ذریعے امرود کی پیٹیوں کے مالک کی تلاش شروع کردی ہے فوٹو؛ایکسپریس نیوز

---

لاہور سے کراچی آنے والی بزنس ایکسپریس ٹرین سے 31 کروڑ روپے سے زائد مالیت کی 31 کلو گرام ہیروئن برآمد ہوئی ہے۔

ایکسپریس نیوز کے مطابق نجی کمپنی کے اشتراک سے لاہور سے کراچی آنے والی آنے والی بزنس ٹرین سے کراچی کینٹ اسٹیشن پر پولیس اور رینجرز نے تلاشی کے دوران امرود کی پیٹیوں میں چھپائی گئی 31 کلو گرام ہیروئن برآمد کرلی جس کی مالیت 31 کروڑ سے زائد ہے۔

ذرائع کے مطابق امرود کی پیٹیاں روہڑی سے ٹرین میں رکھی گئی تھیں۔ پولیس نے تحقیقات کا آغاز کرتے ہوئے بلٹی کے دستاویزات کے ذریعے امرود کی پیٹیوں کے مالک کی تلاش شروع کردی ہے۔