انڈر ورلڈ نے اکشے کمار سے بھی 5 کروڑ بھتہ مانگ لیا

بالی ووڈ میں کھلاڑیوں کا کھلاڑی مانے جانے والے اداکار اکشے کمار سے بھی انڈر ورلڈ نے 5 کروڑ کا بھتہ مانگ لیا۔

بھارتی میڈیا نے ممبئی کرائمز برانچ کے اعلیٰ افسر کے حوالے سے اکشے کمار سے خطیر رقم مانگے جانے کی تصدیق کی ہے۔ اداکار کے قریبی ذرائع نے بتایا کہ انھوں نے چند ماہ قبل ایک گھریلو ملازم کو نوکری سے فارغ کیا تھا جس نے ان کے بارے میں معلومات انڈر ورلڈ کو فراہم کیں۔




اطلاعات کے مطابق اکشے سے 5 کروڑ روپے بھتہ مانگنے والے گینگسٹر کا نام روی پجارا بتایا جاتا ہے جو گزشتہ کئی دنوں سے ایکشن ہیرو سے ٹیلی فون پر رقم کا مطالبہ کر رہا ہے۔ دوسری طرف اداکار نے سارے واقعے کی اطلاع جوہو کے مقامی پولیس اسٹیشن کو دے دی ہے جس کے بعد پولیس نے اکشے کی رہائش گاہ کی سیکیورٹی میں اضافہ کر دیا ہے۔