یکم دسمبر سے ہائی وے قوانین پر عملدر آمد کرا نے کی ہدایت

موٹرسائیکل سواربغیرہیلمٹ اور2سے زائدافرادسفرنہ کریں، آئی جی موٹر وے پولیس

Staff Reporter November 23, 2013

تمام متعلقہ ڈی آئی جیز کو ہدایات جاری کی گئی ہیں کہ یکم دسمبر سے ہائی وے قوانین پر عملدر آمد کرایا جا ئے۔ فوٹو فائل

انسپکٹر جنرل نیشنل ہائی ویز اینڈ موٹر وے پولیس نے ہائی ویز اور موٹر ویز پر سفرکرنے والے شہریوں کو حادثات سے بچاؤ اور قیمتی انسانی جانوں کے ضیاع و معذوری سے بچانے کیلیے ضروری اقدامات اور ٹریفک قوانین کی سختی سے پابندی کی ضرورت پر زور دیا ہے۔

تمام متعلقہ ڈی آئی جیز کو ہدایات جاری کی گئی ہیں کہ یکم دسمبر سے ہائی وے قوانین پر عملدر آمد کرایا جا ئے، اس بات کو یقینی بنایا جائے کہ آئندہ کوئی موٹر سائیکل سوار بغیر ہیلمٹ ہائی ویز پر سفر نہ کرسکے اورموٹر سائیکل پرکسی بھی صورت میں2 سے زائد افراد سفر نہ کریں۔

انھوں نے کہا کہ موٹر سائیکل سواروں کواس بات کا پابند کیا جائے کہ وہ ہائی وے پر سفر کے دوران عقب سے آنے والی گاڑیوں پر نظر رکھنے کیلیے سائیڈ گلاس ضرور استعمال کریں، دوران سفر اپنی مقرر کردہ یعنی سیکنڈ لین میں ہی سفرکریں ۔