سندھ یونیورسٹی کی فیسوں میں اضافہ ظلم ہے طاہر مجید

150 فیصد اضافے سے لاکھوں غریب طلبا متاثر ہونگے، جنرل سیکریٹری جماعت اسلامی

Numainda Express November 24, 2013

کم سہولتیں اور طلبہ کو زیادہ سے لوٹنا یونیورسٹی انتظامیہ کا پرانا وطیرہ ہے

PARIS: جماعت اسلامی حیدرآباد کے جنرل سیکریٹری حافظ طاہر مجید راجپوت نے کہا کہ سندھ یونیورسٹی کا فیسوں میں اضافہ غریب طلبہ کے خلاف ظالمانہ اقدام ہے۔

لاکھوں غریب طلبہ و طالبات متاثر ہونگے۔ انھوں نے کہاکہ فیسوں اورڈگری اجرا میں اچانک 150 فیصد تک کا بلاجواز اضافہ کیا گیا،4 سال پہلے ہی یکشمت 300 فیصد اضافہ کیا گیا تھا حالانکہ جامعہ سندھ کی طلبہ سے آمدنی اور حکومت سے ملنے والی گرانٹ معمولی نہیں ہے۔ بیرونی امیدواروں کی تعداد بھی ایک لاکھ سے زیادہ ہیں, ٹیوشن اور دیگر سہولتیں دیے بغیر بھی ایک ارب روپے کی آمدنی ہوتی ہے۔

انھوں نے کہاکہ کم سہولتیں اور طلبہ کو زیادہ سے لوٹنا یونیورسٹی انتظامیہ کا پرانا وطیرہ ہے۔ انھوں نے کہاکہ جماعت اسلامی اسی لیے تعلیمی اداروں میں غیر تعلیمی عناصر کی مداخلت اور تعلیمی اداروں میں غیر تعلیمی مزاج کے حامل افرادکی تعیناتی کے خلاف ہے اس سے تعلیم کا نقصان ہوتا ہے۔ جامعہ سندھ کی انتظامیہ اپناحالیہ فیصلہ واپس لے۔