شتروگھن سنہا کی صدر مملکت عارف علوی سے ملاقات

شتروگھن سنہا نے ٹوئٹر پر ڈاکٹرعارف علوی کے ساتھ ملاقات کی تصاویرشیئر کرتے ہوئے اس ملاقات کو خوشگوارقرار دیا فوٹوٹوئٹر

---

بالی ووڈ اداکار وسیاستدان شتروگھن سنہا نے گزشتہ روز صدر پاکستان ڈاکٹرعارف علوی سے گورنر ہاؤس میں ملاقات کی۔

اداکار شترو گھن سنہا اپنے قریبی دوست اسد احسن کے بیٹے احمد اسد کی شادی کی تقریب میں شرکت کے لیے پاکستان کے شہر لاہور میں موجود تھے۔ گزشتہ روز انہوں نے صدر پاکستان ڈاکٹر عارف علوی سے ملاقات کی۔

It was a pleasant surprise that we received an invite from the H.E. the President of Pakistan, Dr. Arif Alvi, on the last day of our stay at Lahore..that too just before the marriage reception of our family friend Mr. Asad Ehsan's son Ahmed Asad. We were very touched by this pic.twitter.com/pzAUAjYnCP

— Shatrughan Sinha (@ShatruganSinha) February 23, 2020

یہ بھی پڑھیں: پاکستان آکر ہمیشہ اچھا لگتا ہے، شتروگن سنہا

شتروگھن سنہا نے ٹوئٹر پر ڈاکٹر عارف علوی کے ساتھ ملاقات کی تصاویرشیئر کرتے ہوئے اس ملاقات کو خوشگوار قراردیا۔



اس کے ساتھ ہی انہوں نے لکھا کہ ہم نے ملاقات میں سماجی اورثقافتی موضوعات سمیت مختلف چیزوں پر بات کی لیکن سیاسی معاملات پر کوئی بات نہیں کی گئی۔



واضح رہے کہ شتروگھن سنہاکی لاہور میں شادی میں شرکت کی تصاویر اور ویڈیوز سوشل میڈیا پر تیزی سے وائرل ہوئیں اور لوگوں نے ان کی پاکستان میں موجودگی پر خوشی اور حیرت کا اظہار کیا۔

[instagram-post url="https://www.instagram.com/p/B8xncJ7lsxh/"]

احمد اسد کی شادی میں اداکارہ ریما خان نے بھی شرکت کی اور شتروگھن سنہا کے ساتھ ان کی تصاویر اور ویڈیوز کو بھی سوشل میڈیا پر خوب پسند کیا گیا۔

[instagram-post url="https://www.instagram.com/p/B82q0vHlLG9/"]