’’امریکا نے 87 میں پاکستانی جوہری پروگرام کا راز پکڑلیا تھا‘‘

اس وقت کے پاکستانی فوجی حکمران جنرل ضیاالحق اورامریکی انڈرسکریٹری ارماکوسٹ کے درمیان 5اگست 1987کو اس معاملے پرملاقاتیں بھی ہوئیں۔

---

امریکی قومی سلامتی کے ادارے این ایس اے کی جانب سے جاری دستاویزات میں انکشاف کیا ہے کہ پاکستان کی جانب سے جوہری حصول کا راز 1987میں افشاہو گیاتھا تاہم امریکانے جان بوجھ کر اس معاملے کو نظرانداز کرنے کافیصلہ کیا۔

دستاویزات کے مطابق پاکستان کے جوہری پروگرام کا راز امریکاسے حساس معلومات چرانے کے الزام میں ارشدپرویز نامی پاکستانی کی گرفتاری کے بعدافشا ہواتھا لیکن اس وقت کے صدررونالڈ ریگن کی انتظامیہ نے اس معاملے کو اس لیے نظرانداز کردیا تھاکہ اس وقت افغانستان میںروس کے خلاف جاری جنگ میںپاکستان اہم حصہ دارتھا۔



دستاویزات کے مطابق اس وقت کے پاکستانی فوجی حکمران جنرل ضیاالحق اورامریکی انڈرسکریٹری ارماکوسٹ کے درمیان 5اگست 1987کو اس معاملے پرملاقاتیں بھی ہوئیں۔