کرم ایجنسی کے مختلف علاقوں میں دو دھماکوں سے 3 افراد جاں بحق 5 زخمی

جاں بحق افراد کی لاشوں کو شناخت کے بعد لواحقین کے حوالے کردیا گیا ہے۔ فوٹو : فائل

---

کرم ایجنسی کے مختلف علاقوں میں 2 بم دھماکوں میں 3 افراد جاں بحق جبکہ 5 زخمی ہوگئے ہیں۔

ایکسپریس نیوز کے مطابق پہلا دھماکا اس وقت ہوا جب پارا چنار سے آنے والی ایک گاڑی شبلان کے قریب سڑک کنارے نصب بارودی مواد سے ٹکرا گئی جس کے نتیجے میں گاڑی مکمل طور پر تباہ ہوگئی، دھماکے میں گاڑی میں سوار 2 افراد موقع پر ہی جاں بحق جبکہ 2 زخمی ہوگئے۔ دوسرا دھماکا پاراچنار کے نواحی علاقے ڈال میں ہوا جس کی زد میں آکر ایک شخص جاں بحق جبکہ 3 زخمی ہوگئے۔

دونوں دھماکوں سے زخمیوں کو پارا چنار کے سرکاری اسپتال منتقل کردیا گیا ہے جہاں انہیں طبی امداد فراہم کی جارہی ہے جبکہ لاشوں کو شناخت کے بعد ان کے لواحقین کے حوالے کردیا گیا ہے۔