ریلویز آئندہ ماہ 58 نئے انجن اسکواڈ میں شامل کیے جائینگے

سپر ایکسپریس کو اولیت دیتے ہوئے اسے بھی سرگودھا سے کراچی کے لیے بحال کرنے کا عندیہ دیا گیا۔ فوٹو: فائل

---

پاکستان ریلوے نے آئندہ ماہ 58 نئے انجن اسکواڈ میں شامل کرنے کے لیے اقدامات مکمل کرلیے ہیں۔

58 انجن آنے سے پاکستان ریلوے ان میں سے 40 انجن گڈز اور 18 انجن پسنجر گاڑیوں کے ساتھ لگائے گا۔ ریلوے ذرائع کے مطابق محکمہ ریلوے نے 18 پسنجر ٹرینوں میں سپر ایکسپریس کو اولیت دیتے ہوئے اسے بھی سرگودھا سے کراچی کے لیے بحال کرنے کا عندیہ دیا ہے۔



سرگودھا سے کراچی چلنے والی سپر ایکسپریس محکمہ ریلوے کی واحد ٹرین تھی جو اپنے آغاز سے اختتام تک کبھی خسارے میں نہیں گئی، اس ٹرین کے چلنے سے سرگودھا، منڈی بہائوالدین، چنیوٹ، فیصل آباد، ٹوبہ ٹیک سنگھ، خانیوال، ملتان، لودھراں، بہاولپور، رحیم یار خان، سکھر، حیدر آباد، نواب شاہ سمیت دیگر اضلاع کے لاکھوں شہریوں کو بہترین سفری سہولت میسر آئیگی۔