کھوسکی بہن کا رشتہ خاندان سے باہر کرنے پر بیٹوں نے باپ کو قتل کردیا

پولیس نے ایک قاتل بیٹے 15سالہ محبوب ملاح کو گرفتا ر کر لیا

---

ناخلف بیٹوں نے اپنے باپ کو بے دردی سے قتل کر دیا، ایک قاتل بیٹا گرفتار، دوسرا فرار ہو گیا۔

تفصیلات کے مطابق کھوسکی شہر کے وارڈ نمبر 5 کے ملاح محلے میں 2 بھائیوں محبوب ملاح اور عاشق ملاح نے رشتے کے تنازعے پر کلہاڑیوں کے پے در پے وار کر کے اپنے باپ محمد حسن ملاح کو قتل کر دیا۔ اہل محلہ کی اطلاع پر پولیس نے جائے وقوعہ پر پہنچ کر لاش کو تحویل میں لے کر پوسٹ مارٹم کے لیے اسپتال پہنچایا۔ پوسٹ مارٹم رپورٹ کے مطابق مقتول کو کلہاڑیوں کے 11 وار کیے گئے۔



پولیس نے ایک قاتل بیٹے 15سالہ محبوب ملاح کو گرفتا ر کر لیا، جس نے قتل کا اعتراف بھی کر لیا جبکہ دوسرا بیٹا عاشق ملاح تاحال فرار ہے۔ محبوب ملاح کے مطابق ان کا باپ اس کی بہن کا رشتہ خاندان سے باہر کرنا چاہتا تھا، جس پر ان دونوں بھائیوں نے اپنے باپ کو کلہاڑیوں کے وار کر کے قتل کیا اور انہیں اس قتل پر کوئی افسوس نہیں ہے۔