ڈرون حملے پاکستانی حکومت کی مرضی سے ہو رہے ہیں امریکی سینیٹر فرینک

امریکی ایوان نمائندگان کے ڈیموکریٹ رکن فرینک پیلون نے کہاہے کہ ڈرون حملے پاکستانی حکومت کی مرضی اورتعاون سے ہورہے ہیں۔


انھوں نے ایڈیسن نیوجرسی کے نومنتخب میئرٹام لینکی کے اعزازمیں مسلم کمیونٹی کی جانب سے منعقدہ تقریب میں خصوصی گفتگوکرتے ہوئے کہاکہ ڈرون حملے اب تک انتہائی موثر ثابت ہوئے ہیںا ور بڑی تعداد میں دہشت گردوں کاصفایا کردیا گیاہے۔ فرینک پیلون نے کہاکہ انھیںعوامی جذبات کا احساس ہے لیکن ان حملوں میں کوئی عام آدمی نہیں مارا گیابلکہ القاعدہ اوردوسرے دہشت گردوں کو نشانہ بنایاگیا ہے اوریہ حملے حکومت پاکستان کی رضامندی اور تعاون سے کیے گئے۔ ان سے پاکستان کی خودمختاری اورسلامتی متاثرنہیں ہوتی۔