یو ایس اوپن فیڈررنےمسلسل 34ویں گرینڈ سلم کوارٹرفائنل میں جگہ بنالی

اینجلیک کیربر کی کہانی چوتھے رائونڈ میں تمام ہوگئی۔ فوٹو: اے ایف پی / ایکسپریس

---

ورلڈ نمبرون سوئس اسٹار راجرفیڈرر نے مسلسل 34ویں گرینڈ سلم کوارٹر فائنل میں جگہ بنالی، اینڈی مرے، مارن کلک اور ٹوماس بریڈیچ نے بھی رائونڈ 8 میں شمولیت اختیار کی۔

فیڈرر کو چوتھے رائونڈ میں مارڈی فش کیخلاف واک اوور ملا، تھرڈ سیڈ اینڈی مرے نے کینیڈین حریف میلوس رائونک کو 6-4،6-4 اور 6-2 سے ہرایا، کروشیا کے مارن کلک نے سلواکیہ کے مارٹن کلزان کو 7-5،6-4،6-0 سے مات دی۔

6سیڈ جمہوریہ چیک کے ٹوماس بریڈیچ نے اسپینش پلیئر نکولس الماگرو کا راستہ 7-6(7/4)،6-4 اور 6-1 سے صاف کیا۔ ویمنز سنگلز میں سیکنڈ سیڈ اگنیسکا ریڈوانسکا اور 6 سیڈ جرمنی کی اینجلیک کیربر کی کہانی چوتھے رائونڈ میں تمام ہوگئی، سرینا ولیمز اور اینا ایوانووک نے سفر جاری رکھا۔

مکسڈ ڈبلز میں ثانیہ مرزا ان کے انگلش پارٹنرکولن فلیمنگ کوکوارٹر فائنل میں کویتا پشکے اور مارسن میٹکووسکی نے6-3 اور7-5 سے ہرادیا۔