کراچی کنگز نے عمر خان کو فالتو پرزہ سمجھ لیا بولنگ کرانے سے گریز

ملتان سلطانز کیخلاف جمعے کو پلیئنگ الیون میں شامل ہونے کے باوجود انھیں ایک اوور بھی نہیں دیا گیا۔ فوٹو : فائل

---

KARACHI: کراچی کنگز نے عمر خان کو فالتو پرزہ سمجھ لیا۔

گذشتہ ایونٹ میں 16.13کی اوسط سے 15شکار کرنے والے اسپنر چوتھے کامیاب ترین بولر تھے، انھوں نے ڈی ویلیئرز سمیت کئی نامور بیٹسمینوں کو پریشان کیا لیکن رواں سیزن میں ایک گیند بھی نہیں کرا سکے۔ ملتان سلطانز کیخلاف جمعے کو پلیئنگ الیون میں شامل ہونے کے باوجود انھیں ایک اوور بھی نہیں دیا گیا۔

اس حوالے سے کپتان عماد وسیم نے وضاحت پیش کی کہ ہوا کا رخ مخالف اور میزبان ٹیم میں کئی لیفٹ ہینڈرز ہونے کی وجہ سے عمر کو بولنگ دینے کا خطرہ مول نہیں لیا گیا، اسی طرح کی وضاحت ہیڈ کوچ ڈین جونز نے بھی پیش کرتے ہوئے کہا کہ باصلاحیت بولر کو اگلے میچز میں موقع ملے گا۔