پاکستان ایئر فورس نے پی سی بی کی مشکل آسان کردی

پاکستان ایئرفورس نے مشکل وقت میں پی سی بی کا ساتھ دیتے ہوئے پی ایس ایل میچ کیلیے کوئٹہ گلیڈی ایٹرز کو بروقت میچ کیلیے ملتان پہنچادیا۔


سرفراز احمد کی قیادت میں کوئٹہ گلیڈی ایٹرز کی ٹیم کو جمعہ کی رات ہی اسلام آباد سے روانہ ہونا تھا لیکن موسم کی خرابی کے باعث کھلاڑی 2 گھنٹے سے زائد ایئرپورٹ پر انتظار کرنے کے بعد واپس ہوٹل جانے پر مجبور ہوگئے۔

ہفتہ کی صبح کوئی کمرشل فلائیٹ دستیاب نہیں تھی، اس صورتحال میں پاکستان ایئر فورس نے خصوصی پرواز کے ذریعے کوئٹہ گلیڈی ایٹرز کو ملتان پہنچایا اور ملتان سلطانز کیخلاف میچ بروقت شروع ہوا۔