عراق پر تشددواقعات میں33افراد ہلاک40 زخمی

تکریت میں ایک خاتون کوفائرنگ کرکے ہلاک کردیا گیا۔ فوٹو: رائٹرز/فائل

---

عراق میں پر تشددواقعات کے دوران 33افراد ہلاک اور 40سے زائدزخمی ہوگئے۔

ذرائع ابلاغ کے مطابق بغدادکے وسطی علاقے میں ایک مارکیٹ میں بم دھماکے کے نتیجے میں 15افراد ہلاک اور 36زخمی ہو گئے۔ دریں اثنا بغدادکے شمال مشرقی نواحی علاقے میں کار بم دھماکے میں 4 پولیس اہلکارہلاک ہوگئے۔ ایک اوربم دھماکے میں القاعدہ مخالف تنظیم کاایک کارکن ہلاک اور 4زخمی ہوگئے۔

مزیدبراں بغدادمیں مزید 3 حملوں میں 3افراد ہلاک ہوگئے جس میں ایک عدالتی اہلکاربھی شامل ہے۔ موصل میں کار میں نصب مقناطیسی بم سے دھماکا ہو گیا جس میں 2افراد ہلاک ہو گئے۔ ایک اورمقنا طیسی بم دھماکے میں کار کاڈرائیور مارا گیا۔ تکریت میں ایک خاتون کوفائرنگ کرکے ہلاک کردیا گیا۔