پشاور زلمی نے کوئٹہ گلیڈی ایٹرز کو 30 رنز سے شکست دے دی

170 رنز کے ہدف کے تعاقب میں کوئٹہ گلیڈی ایٹرز 140 رنز پر ہمت ہار گئے

---

پی ایس ایل فائیو کے 18 ویں میچ میں پشاور زلمی نے کوئٹہ گلیڈی ایٹرز کو شکست دے دی۔

راولپنڈی اسٹیڈیم میں کھیلے گئے میچ میں پشاور زلمی نے پہلے بیٹنگ کرتے ہوئے مقررہ 15 اوورز میں 170 رنز بنائے۔ قبل ازیں کوئٹہ گلیڈی ایٹرز کے کپتان سرفراز احمد نے ٹاس جیت کر پشاور زلمی کو بیٹنگ کی دعوت دی۔

Here are the line-ups for tonight#PZvQG #HBLPSLV pic.twitter.com/wlqDULnTsY

— PakistanSuperLeague (@thePSLt20) March 5, 2020

امام الحق نے کامران اکمل کے ساتھ اننگز کا آغاز کیا تو نسیم شاہ نے انہیں پہلے ہی اوور میں خوب پریشان کیا تاہم شین واٹسن نے امام کا کیچ چھوڑ کر انہیں ایک موقع دیا جس سے وہ فائدہ نہ اٹھاسکے اور اگلے ہی اوور میں 7 رنز بنانے کے بعد سہیل خان کی گیند پر سرفراز کو کیچ دے بیٹھے۔

کامران اکمل نے چوتھے اوور میں محمد حسنین کو لگاتار 2 چھکے جڑے لیکن تیسری گیند پر وکٹ گنوا بیٹھے وہ 23 رنز کی اننگز کھیل کر آؤٹ ہوئے۔ حیدر علی 24 گیندوں پر 39 رنز کی اننگز کھیل کر پویلین واپس لوٹے۔ شعیب ملک نے 27 گیندوں پر 54 رنز کی جارحانہ اننگز کھیلی۔

کوئٹہ گلیڈی ایٹرز کی جانب سے محمد حسنین نے 4 وکٹیں حاصل کیں جب کہ بین کٹنگ اور سہیل خان کے حصے میں ایک ایک وکٹ آئی۔ اس سے قبل بارش کے باعث میچ تاخیر سے شروع ہوا اور میچ بھی 15 ،15 اوورز تک محدود کردیا گیا۔

کوئٹہ گلیڈی ایٹرز کی جوابی بیٹنگ میں شین واٹسن اور احمد شہزاد نے اننگ کا آغاز کیا۔ شین واٹسن نے 19، احمد شہزاد نے 10، بین کٹنگ نے 17، محمد نواز نے 18، سرفراز احمد نے ایک رنز بنایا اور احمد خان صفر پر آؤٹ ہوئے۔ میچ کے اختتام تک کوئٹہ گلیڈی ایٹرز مقررہ 15 اوورز میں 7 وکٹوں پر 140 رنز اسکور کرسکی۔

DHULLAYI!

A massive win for Peshawar Zalmi, who looked in control for most of this chase. They win by 30 runs to pick up their third victory. #PZvQG #HBLPSLV pic.twitter.com/FzVvenngEN

— PakistanSuperLeague (@thePSLt20) March 5, 2020

آخر میں سہیل خان تین رنز اور تیمل ملز دو رنز کے ساتھ ناٹ آؤٹ رہے۔ پشاور زلمی کی جانب سے وہاب ریاض نے تین، راحت علی نے دو جب کہ حسن علی اور یاسر شاہ نے ایک ایک کھلاڑی کو آؤٹ کیا۔ پشاور زلمی کے کھلاڑی شعیب ملک کو مین آف دی میچ قرار دیا گیا جنہوں ںے 27 گیندوں پر 54 رنز بنائے۔

واضح رہے کہ پی ایس ایل کے اس ایڈیشن میں پشاور زلمی کی یہ تیسری فتح ہے۔