میرا کو بھارتی پنجاب میں بننے والی فلم میں کام مل گیا

اس سلسلہ میں پہلے بھارت اوراس کے بعد شوٹنگ سپیل کینیڈا میں عکسبندی کیاجائے گا۔ فوٹو: فائل

---

معروف اداکارہ میرا کوبھارتی پنجاب میں بننے والی فلم میں کاسٹ کرلیا گیا ہے' جس کی شوٹنگ عنقریب شروع کی جائے گی۔

اس سلسلہ میں پہلے بھارت اوراس کے بعد شوٹنگ سپیل کینیڈا میں عکسبندی کیاجائے گا۔



اداکارہ میرا نے ''ایکسپریس'' سے گفتگوکرتے ہوئے بتایاکہ بھارتی پنجاب میں بننے والی فلموں کا معیار بہت اچھا ہوچکا ہے اوراس وقت بھارت کی پنجابی فلمیں برطانیہ، کینیڈا، امریکا، مڈل ایسٹ اوردیگرممالک میں ریلیز کی جارہی ہیں جن کو اچھا رسپانس مل رہا ہے۔ اسی لیے مجھے جب فلم کے لیے رابطہ کیا گیاتومیں نے فوری رضامندی ظاہرکردی۔ فلم میں مجھے مرکزی کردار دیاگیا ہے جب کہ اس کودنیاکے بیشترممالک میں بیک وقت ریلیز کیاجائے گا۔