آج میں اس کے خلاف میدان میں کودا ہوں کل چار لوگ اور آئیں گے ، خلیل الرحمان قمر فوٹوفائل
معروف مصنف خلیل الرحمان قمر تین روز قبل نجی ٹی وی چینل پر ایک ٹاک شو کے دوران سماجی کارکن ماروی سرمد کے ساتھ شروع ہونے والے تنازع پر تنقید کی زد میں ہیں۔ جب کہ بہت سے لوگوں نے ان سے معافی کا بھی مطالبہ کیا ہے۔
حال ہی میں ایک انٹرویو کے دوران خلیل الرحمان قمر نے اس حوالے سے بات کرتے ہوئے کہا میں پچھلے دو دن سے ان ہی کپڑوں میں مختلف جگہوں پر انٹرویو دے رہا ہوں۔ میری بیوی نے مجھ سے کہا اگرآپ ایسی بے شرم عورت سے ہار کر آئے تو میں آپ کو گھر میں داخل نہیں ہونے دوں گی۔
یہ بھی پڑھیں: عفت عمرکا خلیل الرحمان کی فلم چھوڑنے کا اعلان
ماروی سرمد کے بارے میں خلیل الرحمان نے کہا یہ کیا سمجھتی ہیں اپنے آپ کو، کون ہے کہاں سے آئی ہے دین کو اورپاکستان کو گالی دیتی ہے، اورمجھ سے امید کی جارہی ہے کہ میں اس سے معافی مانگوں۔ اس خاتون سے معافی مانگنے کے بجائے میں خود کو مارنا اورخودکشی کرنا پسند کروں گا۔
یہ بھی پڑھیں: خلیل الرحمان قمرنے ماروی سرمد کو گالی دیدی
میزبان نے خلیل الرحمان قمرسے پوچھا کیا یہ صحیح ہے کہ آپ نے ''میرے پاس تم ہو'' کی کامیابی کے بعد اپنا معاوضہ 5 گنا کردیا ہے جس پر انہوں نے کہا میں پہلے ہی پاکستان کا سب سے زیادہ معاوضہ لینے والا مصنف ہوں اورمیں پروڈیوسرز کا بڑا خیال کرتا ہوں میں انہیں اتنی تکلیف میں نہیں ڈالتا میں جانتاہوں وہ کتنا کماتے ہیں۔
یہ بھی پڑھیں: دو ٹکے کا ڈائیلاگ لکھنے والا خلیل الرحمان آج ایک ٹکے کا بھی نہیں رہا
عورت مارچ کے حوالے سے خلیل الرحمان نے کہا آج میں اس کے خلاف میدان میں کودا ہوں، کل چارلوگ اورآئیں گے اور خواتین بھی اس کے خلاف سامنے آئیں گی کیونکہ اس سے دراصل متاثر تو وہ عورتیں ہورہی ہیں، زیادتی ان کے ساتھ کی جارہی ہے کہ آپ ان کی حیاداری میں نقب لگانے کی کوشش کررہی ہیں۔
واضح رہے کہ خلیل اور ماروی سرمد تنازع کے بعد نجی چینل نےٹاک شو میں خاتون سے نازیبا زبان استعمال کرنے پر معافی مانگنے تک خلیل الرحمان قمر کے ساتھ اپنا معاہدہ معطل کردیا ہے۔ خلیل الرحمان قمر نے اس چینل کے لیے 4 ڈرامے اور ایک فلم کا اسکرپٹ لکھنے کا معاہدہ کیا تھا۔
مجھے میری بیوی نے کہا اگر تو ایسی بےشرم عورت سے ہار کر آیا تو میں تجھے گھر میں داخل نہیں ہونے دوں گی - خلیل الرحمن قمر pic.twitter.com/0N5giJDc4P
— Haqeeqat TV (@Haqeeqat_TV) March 5, 2020
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔