اس دوران میچ 30 سیکنڈ تک رکا رہا، فوٹوفانٹرنیٹ
سوشل میڈیا پر خواتین کے فٹبال میچ کے دوران پیش آنے والے واقعے کی ایک ویڈیو وائرل ہورہی ہے جس میں خواتین کھلاڑیوں نے نہ صرف انسانیت کی اعلیٰ مثال قائم کردی بلکہ ثابت کیا کہ دنیا میں ابھی انسانیت باقی ہے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ اردن کے شباب الورڈون کلب اور عمان کلب کی خواتین کھلاڑیوں کے درمیان فٹبال میچ جاری تھا کہ دوران میچ ایک خاتون کھلاڑی کا حجاب کھل گیا اور وہ خاتون اپنا حجاب ٹھیک کرنے کے لیے نیچے بیٹھ گئی۔
یہ بھی پڑھیں: ''میرا جسم میری مرضی'' مغربی فنڈ سے چلنے والی مہم
اس موقع پر ایک ایسا منظر دیکھنے میں آیا جس نے اسٹیڈیم میں بیٹھے ہر شخص کو حیران کردیا۔ خاتون کھلاڑی کا حجاب کھل جانے کے بعد مخالف ٹیم کی لڑکیاں فوراً اپنا کھیل چھوڑ کر اس لڑکی کے گرد ڈھال بن گئیں اور اسے بے پردہ ہونے سے بچایا۔ یہ لڑکیاں اس وقت تک خاتون کھلاڑی کی ڈھال بنی رہیں جب تک کہ اس نے اپنا حجاب دوبارہ ٹھیک نہیں کرلیا۔ اس دوران میچ 30 سیکنڈ تک رکا رہا۔
اس ویڈیو سے ظاہر ہوتا ہے کہ ایک دوسرے کے مذہب اور آزادی کی عزت کرنے والے لوگ ابھی دنیا میں موجود ہیں۔
Bigger than sports.
— ESPN (@espn) October 23, 2019
When a soccer player's hijab started falling off to reveal her hair, her opponents gathered around to provide cover while she fixed it. (via @JordanFA) pic.twitter.com/rSUxM0S5Xe
پولیٹیکل سرجن نامی ٹوئٹر ہینڈل سے اس ویڈیو کو شیئر کراتے ہوئے لکھا گیا فٹبال میچ کے دوران مسلمان لڑکی کا حجاب کھل گیا تو مخالف ٹیم کی لڑکیاں ارد گرد کھڑی ہوگئیں تاکہ لڑکی اپنا حجاب ٹھیک کرکے اپنا چہرہ ڈھانپ سکے۔''میرا جسم میری مرضی'' کہنے والی خواتین سیکھو اس شہزادی سے۔
ایڈیشنل ایڈووکیٹ جنرل پنجاب فیصل حسین نے اس ویڈیو کو اپنے اکاؤنٹ پر شیئر کراتے ہوئے مخالف ٹیم کی ان لڑکیوں کو داد دی جنہوں نے اپنا کھیل چھوڑ کر مسلم خاتون کھلاڑی کی مدد کی۔ فیصل حسین نے لکھا سیکھنا تو ان لڑکیوں سے ہے جنہوں نے ایک خاتون کی مرضی اور خواہش کی تعظیم کی، ہمیں بھی دوسروں کی رائے، خواہشات اور شخصیات کا احترام اور تعظیم کرنا چاہیئے۔ وزیر سائنس ٹیکنالوجی چوہدری فواد حسین نے بھی اس ویڈیو کو اپنے ٹوئٹر اکاؤنٹ پر شیئر کرایا ہے۔
سیکھنا تو ان لڑکیوں سے ہے جنہوں نے ایک خاتون کی مرضی اور خواہش کی تعظیم کی..ہمیں
— Faisal Hussain (@faisal_fareed) March 8, 2020
بھی دوسروں کی رائے خواہشات اور شخصیات کا احترام اور تعظیم کرنا چاہیئے. https://t.co/ZFQQh4hTYf
یہ ویڈیو حال کی نہیں بلکہ گزشتہ برس اکتوبر کی ہے۔ اسے اوریجنلی امریکی اسپورٹس چینل ای ایس پی این نے ٹوئٹر پر پوسٹ کیا تھا اور اس وقت اس ویڈیو کو 87 ہزار 900 لائکس ملے تھے۔ یہ ویڈیو خواتین کے عالمی دن کے موقع پر ایک بار پھر وائرل ہورہی ہے۔
اس میچ کے دوران اردن کی شباب الورڈن کلب (ریڈ ٹیم) نے عمان کلب (گرین ٹیم) کو ایک گول سے شکست دے دی تھی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔