آزاد کشمیر میں مسافر وین حادثے کا شکار 9افراد جاں بحق

اطلاعات کے مطابق حادثہ گاڑی کے بریک فیل ہوجانے کے باعث پیش آیا۔ فوٹو، فائل۔

---

RAWALPINDI: راولپنڈی سے باغ آنے والی مسافر وین ارجہ پل کے مقام پرحادثے کا شکار، 9افراد جاں بحق ہوگئے۔

ایکسپریس نیوز کے مطابق پولیس کا کہنا ہے کہ متعدد افراد کی حالت تشویش ناک ہے۔ وین میں 24 افراد سوار تھے۔ حادثے کے بعد 13زخمیوں کو طبی امداد کے لیے قریب اسپتال منتقل کیا گیا جن میں 3 افراد زخموں کی تاب نہ لاسکے اور چل بسے۔ جب کہ تشویش ناک حالت کے4 زخمیوں کو راولپنڈی روانہ کیا گیا۔ اس سے قبل پولیس نے حادثے میں2 خواتین اور وین ڈرائیور سمیت 6 افراد کے جاں بحق ہونے کی تصدیق کی تھی۔

عینی شاہدین کے مطابق ارجہ پُل کے نزدیک موڑ کاٹتے ہوئے وین ڈارئیور کے قابو سے باہر ہوگئی اور کھائی میں جاگری۔ زخمیوں کا تعلق باغ اور نواحی علاقوں سے بتایا جاتا ہے۔

آزاد جموں و کشمیر کے صدر سردار مسعود خان نے ٹوئٹر پر جاری کردہ پیغام میں حادثے میں قیتمی انسانی جانوں کے ضیاع پر افسوس اور متاثرہ خاندانوں کے ساتھ ہمدردی کا اظہار کیا۔

Deeply saddened to know of the fatal road accident at Arja near Bagh in which many precious lives were lost. My thoughts & prayers are with bereaved families. May Allah give them strength to bear this loss. Have directed officials to ensure the best possible treatment to injured

— Masood Khan (@Masood__Khan) March 8, 2020

صدر نے کہا کہ زخمیوں کا بہترین علاج معالجہ یقینی بنانے کے لیے متعلقہ حکام کو ہدایات جاری کردی گئی ہیں۔