چین سے 12 ہزار کورونا ٹیسٹنگ کٹس پاکستان پہنچ گئیں

چین ٹڈی دل کے خاتمے اور کرونا کی روک تھام و تشخیص لیے تعاون جاری رکھے گا، چائنیز ایمبیسی ۔ فوٹو:سوشل میڈیا

---

چین کی جانب سے ارسال کردہ 12 ہزار کورونا ٹیسٹنگ کٹس سمیت دیگر امدادی سامان پاکستان پہنچ گیا۔

ایکسپریس نیوز کے مطابق کورونا وائرس اور ٹڈی دل کی روک تھام اور تشخیص کے لیے چین کی جانب سے ارسال کردہ امدادی سامان پاکستان پہنچ گیا، سامان میں 12 ہزار کرونا ٹیسٹنگ کیٹس بھی شامل ہیں۔

چائنیز ایمبیسی نے اپنی ٹویٹ میں بتایا ہے کہ چین کی جانب سے پاکستان بھیجے گئے امدادی سامان میں 14 پیسٹی سائیڈ اسپرے اور 50 ہزار لیٹرمیلاتھیئن بھی شامل ہے جو ٹڈی دل کی روک کے لیے استعمال کیا جاسکے گا۔

#China aids of 50,000 liters of malathion and 14 pesticide sprayers for locust plague prevention & control and 12,000 more coronavirus testing kits arrived in #Pakistan.China continues helping Pakistan to combat #locust plague and #COVID-19.@Chinese Embassy pic.twitter.com/ykCCRYUp6y

— Developing Pakistan (@developingpak) March 9, 2020

چائنیز ایمبیسی نے ٹویٹ کی ہے کہ چین ٹڈی دل کے خاتمے اور کرونا کی روک تھام و تشخیص لیے تعاون جاری رکھے گا۔