افغانستان جنازے پر خودکش حملہ 25افراد ہلاک 50زخمی

افغانستان میں ایک جنازہ کے دوران خودکش حملے میں 25 افراد ہلاک اور50 زخمی ہوگئے جن میں ایک ضلعی گورنر بھی شامل ہے۔


دھماکے میں ضلعی گورنر کا بیٹا بھی مارا گیا، ذرائع ابلاغ کے مطابق پاکستانی سرحد کے قریب صوبہ ننگرہار کے شہر جلال آباد میں ایک خودکش حملہ آور نے جنازہ کے دوران ضلعی گورنر ہمیشا گل کو نشانہ بنانے کیلیے خودکش دھماکا کردیا جس میں 25 افراد ہلاک اور درجنوں زخمی ہوگئے، حملے میں ضلعی گورنر اور اس کا بھائی زخمی ہوگئے جبکہ گورنر، کا بیٹا مارا گیا۔ این این آئی کے مطابق ہلمند میں بارودی سرنگ کے دھماکا میں ڈرائیور سمیت 22 افراد موقع پر ہلاک ہلاک ہوگئے۔

آن لائن کے مطابق نیٹو فوج کے فضائی حملے میں حقانی نیٹ ورک کااہم رہنما شبیر ہلاک ہوگیا۔ افغانستان سے قبل از وقت انخلا نہیں کیا جائے گا، نیٹو نیٹو کے سیکرٹری جنرل راسموسین نے واضح کیا ہے کہ افغانستان میں اتحادی فوجیوں پر حملوں میں اضافے کے بعد جنگ زدہ ملک سے قبل از وقت انخلا نہیں کیا جائے گا۔ افغان حکومت کے مطابق امریکی فوج کے کنٹرول میں چلنے والی بگرام جیل کا کنٹرول اگلے ہفتے تک افغان فورسز کے حوالے کردیا جائے گا۔