کورونا وائرس تشخیص کی 12 ہزار ٹیسٹنگ کٹس کراچی پہنچ گئیں

کرونا کی روک تھام اور تشخیص لیے تعاون جاری رکھیں گے، چینی حکام فوٹو : فائل

---

چین سے کورونا وائرس کی تشخیص کے لیے 12 ہزار ٹیسٹنگ کٹس کراچی پہنچ گئی ہیں۔

کرونا وائرس کی تشخیص اور ٹڈی دل کی روک تھام کے لیے چین کی جانب سے ارسال کردہ امدادی سامان لیکر خصوصی کارگو طیارہ کراچی پہنچ گیا ہے، چینی حکام کا کہنا ہے کہ چین ٹڈی دل کے خاتمے اور کرونا کی روک تھام اور تشخیص لیے تعاون جاری رکھے گا۔

ذرائع کے مطابق چین سے آنے والے امدادی سامان میں 14 پیسٹی سائیڈ اسپرے اور 50 ہزار لیڑ میلاتھن شامل ہے جو ٹڈی دل کی روک تھام کے لیے استعمال کیا جاسکے گا، اس کے علاوہ امدادی سامان میں 12 ہزار کرونا ٹیسٹنگ کٹس بھی شامل ہیں۔

ذرائع کا کہنا ہے کہ چین سے امدادی سامان لیکر آنے والے کارگو طیارے کو حفاظتی اقدامات کے تحت رن وے سے دور پارک کیا گیا اور طیارے کے اطراف اسپرے بھی کیا گیا تھا۔