ملزم کے خلاف قانونی چارہ جوئی کے لئے پولیس کے حوالے کیا گیا ہے، ترجمان نیب۔ فوٹو:فائل
نیب ترجمان کے مطابق دھوکا دہی کے ذریعے نیب کا جعلی ڈائریکٹر بن کر اوجی ڈی سی ایل افسران اور اہلکاروں کو دھمکانے والے ملزم کو نیب نے گرفتار کر لیا ہے اور اسے پولیس کے حوالے کردیا گیا ہے۔
ترجمان کے مطابق محمد ہارون نامی ملزم او جی ڈی سی ایل افسران و اہلکاروں کو نیب کا نام استعمال کرتے ہوئے ڈرانے، دھمکانے اورغیرقانونی کاموں کا تقاضا کرتا تھا، نیب نے ملزم محمد ہارون کو گرفتار کر کے پولیس کے حوالے کردیا ہے تاکہ اس کے خلاف قانونی چارہ جوئی عمل میں لائی جاسکتے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔