قومی سلامتی کمیٹی کا 5 اپریل تک تمام تعلیمی ادارے بند رکھنے کا فیصلہ

 اجلاس میں تینوں مسلح افواج کے سربراہان اور ڈی جی آئی ایس آئی نے بھی شرکت کی ۔ فوٹو : پی آئی ڈی

---

قومی سلامتی کمیٹی نے کرونا وائرس کے باعث ملک بھر کے تعلیمی ادارے 5 اپریل تک بند رکھنے کا فیصلہ کیا ہے۔

وزیراعظم عمران خان کی زیرصدارت قومی سلامتی کمیٹی کا اہم اجلاس ہوا جس میں تینوں مسلح افواج کے سربراہان اور ڈی جی آئی ایس آئی لیفٹیننٹ جنرل فیض حمید سمیت وفاقی وزرا وسیکریٹریز نے شرکت کی۔

قومی سلامتی اجلاس میں کرونا وائرس سے متعلق صورتحال پر غور کیا گیا اور قومی سلامتی کمیٹی نے کرونا وائرس کی روک تھام سے متعلق اہم فیصلے کیے۔

قومی سلامتی کمیٹی کے اجلاس میں فیصلہ کیا گیا کہ افغانستان اور ایران کے دونوں بارڈر دو ہفتوں کے لیے بند رہیں گے۔

اجلاس میں فیصلہ کیا گیا کہ پی ایس ایل کے جو میچز لاہور منتقل کیے گئے ہیں ان میں تماشائیوں کو شرکت کی اجازت نہیں ہوگی اور وہ بند اسٹیڈیم میں کرائے جائیں گے۔

قومی سلامتی اجلاس میں ایئر پورٹس اور بارڈرز پر نگرانی کا عمل سخت کرنے جب کہ لاہور ، کراچی اور اسلام آباد کے علاوہ باقی ایئر پورٹس پر انٹرنیشنل فلائٹس معطل کرنے کا فیصلہ کیا گیا۔

 

 

In a meeting of the National Security Committee presided over PM Imran Khan, it has been decided to close all educational institutions in the country till April 5. This includes all schools and universities, public and private, vocational institutions and madaris.

— Shafqat Mahmood (@Shafqat_Mahmood) March 13, 2020

وقاقی وزیرتعلیم شفقت محمود نے اپنی ٹوئٹ میں بتایا کہ قومی سلامتی کمیٹی کے اجلاس میں فیصلہ کیا گیا کہ ملک بھر میں 5 اپریل تک تمام سرکاری ونجی تعلیمی ادارے بند رہیں گے جس مین مدارس بھی شامل ہیں جب کہ 27 مارچ کو تعلیمی اداروں کی بندش کے فیصلے پر نظرثانی ہوگی۔