کورونا وائرس کراچی سمیت صوبہ سندھ میں قائم آئسولیشن وارڈز کی فہرست جاری

حکومت نے ایک تک 9 آئسولیشن وارڈز قائم کئے ہیں، بیرسٹر مرتضیٰ وہاب (فوٹو : فائل)

---

حکومت سندھ نے صوبے میں قائم آئسولیشن وارڈز کی فہرست جاری کردی۔

حکومت سندھ نے صوبے میں آئسولیشن وارڈز قائم کئے ہیں جن کی فہرست جاری کردی گئی ہے۔ اس حوالے سے ترجمان حکومت سندھ بیرسٹر مرتضی وہاب نے سماجی رابطے کی ویب سائٹ ٹویٹر پر بتایا ہے کہ کورونا وائرس کے پھیلنے کے خدشے کے پیش نظر صوبائی حکومت نے ایک تک مجموعی طور پر 9 آئسولیشن وارڈز قائم کئے گئے ہیں۔

Apart from the Isolation Centres mentioned below, #SindhGovt has also converted 1 full fledged 120 bedded hospital into an Isolation Centre & another full fledged 100 bedded hospital into a quarantine centre to deal with #Corona virus issues. https://t.co/gaBXktt77n

— Murtaza Wahab Siddiqui (@murtazawahab1) March 13, 2020

ترجمان سندھ حکومت کے مطابق جن اسپتالوں میں آئسولیشن وارڈز قائم کئے گئے ہیں ان میں سول اسپتال کراچی، لیاری جنرل اسپتال، ڈاؤ اوجھا کیمپس، لیاقت میڈیکل اسپتال حیدرآباد، پیپلز میڈیکل اسپتال بے نظیر آباد، غلام محمد میڈیکل اسپتال سکھر، چانڈکا لاڑکانہ اور گمز خیرپور شامل ہے۔

ان طبی مراکز کے علاوہ 120 بستروں پر مشتمل ایک اسپتال کو مکمل طور پر آئسولیشن وارڈ میں اور سو بستروں پر مشتمل ایک اور اسپتال کو قرنطینہ میں تبدیل کیا گیا ہے۔