وزیر اعظم کا کورونا وائرس کے معاملے پر قوم سے خطاب کرنے کا اعلان

عالمی ادارہ صحت نے کورونا وائرس کے خلاف ہمارے اقدامات کی تعریف کی ہے (فوٹو: فائل)

---

ISTANBUL: وزیراعظم عمران خان نے کہا ہے کہ کورونا وائرس سے متعلق اقدامات کی ذاتی طور پر نگرانی کر رہا ہوں، قوم گھبرائے نہیں بہت جلد اس معاملے پر خطاب کروں گا۔

سماجی رابطے کی ویب سائٹ ٹویٹر پر اپنی ٹویٹ میں وزیراعظم عمران خان کا کہنا تھا کہ ہمیں کورونا وائرس کے خطرے کا ادراک ہے، اور ہم ان خطرات سے پوری طرح چوکس بھی ہیں، عوام کی صحت و تحفظ کے لیے تمام انتظامات کر رکھے ہیں، عالمی ادارہ صحت نے ہمارے اقدامات کو دنیا کے بہترین اقدامات قرار دے کر تعریف کی ہے۔

I want to inform the nation I am personally overseeing measures to deal with COVID 19 & will address the nation soon. I would advise people to follow safety instructions issued by our govt. While there is a need for caution there is no need for panic.

— Imran Khan (@ImranKhanPTI) March 14, 2020

وزیراعظم کا کہنا تھا کہ قوم کو بتاناچاہتا ہوں کہ کورونا سے نمٹنے کے اقدامات کی نگرانی میں خود کر رہا ہوں، بہت جلد اس حوالے سے قوم سے خطاب کروں گا، عوام سے درخواست ہے کہ گھبرانے کی ضرورت نہیں بلکہ عوام حکومت کی جانب سے جاری حفاظتی ہدایات پرعمل کریں۔