پاکستان کا کورنا وائرس پرسارک ممالک کی ویڈیو کانفرنس میں شرکت کا فیصلہ

کانفرنس میں وزیر اعظم کے معاون خصوصی برائے صحت پاکستان کی نمائندگی کریں گے۔ فوٹو، فائل۔

---

پاکستان بھارتی وزیر اعظم نریندر مودی کی تجویز پر کوروناوائرس سے متعلق ہونے والی سارک ممالک کی ویڈیو کانفرنس میں شرکت کرے گا۔

بھارتی وزیر اعظم نریندر مودی نے کوروناوائرس سے نمٹنے کے لیے سارک ممالک کی اعلی سطحی ویڈیو کانفرنس بلانے کی تجویز دی تھی۔

I would like to propose that the leadership of SAARC nations chalk out a strong strategy to fight Coronavirus.

We could discuss, via video conferencing, ways to keep our citizens healthy.

Together, we can set an example to the world, and contribute to a healthier planet.

— Narendra Modi (@narendramodi) March 13, 2020

جمعے اور ہفتے کی درمیانی شب دفتر خارجہ کی ترجمان نے اپنی ٹوئٹ میں کہا تھا کہ سارک تنظیم کے ارکان ممالک کو باضابطہ طور پر آگاہ کیا جاچکا ہے کہ ویڈیو کانفرنس میں وزیر اعظم کے معاون خصوصی برائے صحت پاکستان کی نمائندگی کریں گے۔

The threat of #COVID-19 requires coordinated efforts at global and regional level. We have communicated that SAPM on Health will be available to participate in the video conference of #SAARC member countries on the issue.

— Ministry of Foreign Affairs - Pakistan (@ForeignOfficePk) March 13, 2020

پاکستان اور بھارت کے مابین 5 اگست کے بعد حالات کشیدہ ہیں اور مسئلہ کشمیر کے باعث ہر قسم کے رابطے منقطع ہیں۔ تاہم ذرایع کا کہنا ہے کہ پاکستان نے وزارتی سطح پر اس کانفرنس میں شرکت کا فیصلہ کیا ہے۔ وزیر اعظم کے مشیر ڈاکٹر ظفر مرزا اس ویڈیو کانفرنس میں شریک ہوں گے۔ ویڈیو کانفرنس پاکستان کے وقت کے مطابق ساڑھے 4 بجے ہوگی۔

اطلاعات کے مطابق ویڈیو کانفرنس میں نمائندگی سے قبل اتوار کی صبح وزارت صحت تمام اداروں اور اسٹیک ہولڈرز سے مشاورت کرے گی۔