اداکار جاوید شیخ آئندہ سال فلم کا آغاز کریں گے

معیاری فلموں کی وجہ سے عوام اب پاکستانی فلموں کی طرف متوجہ ہورہے ہیں

Cultural Reporter November 30, 2013

معیاری فلموں کی وجہ سے عوام اب پاکستانی فلموں کی طرف متوجہ ہورہے ہیں۔ فوٹو: فائل

اداکار پروڈیوسر جاوید شیخ آئندہ ماہ بھارت جارہے ہیں جہاں انھیں فلموں میں کام کرنے کی پیشکش ہوئی ہے ،وہ ان دنوں کراچی اور لاہور میں ٹیلی ویژن اور زیر تکمیل فلموں کا کام مکمل کرانے میں مصروف ہیں۔

ان کا کہنا ہے بھارت کے دورے اور پاکستان میں مصروفیات کی وجہ سے وہ اس سال فلم شروع نہیں کرسکتے جب کہ آئندہ سال فلم کا آغاز کریں گے،یہ بات انھوں نے اپنے ایک انٹرویو میں کہی ۔جاوید شیخ نے کہا '' میں ہوں شاہد آفریدی '' کی شاندار کامیابی کے بعد متعدد فلموں میں کام کرنے کی آفر ہے مجھے خوشی ہے کہ فلم انڈسٹری کی رونقوں میں تیزی سے اضافہ ہورہا ہے ،اچھی اور معیاری فلموں کی وجہ سے عوام اب پاکستانی فلموں کی طرف متوجہ ہورہے ہیں انھیں سنیمائوں پر بھی بہت اچھا ماحول مل رہا وہ اپنے اہل خانہ کے ساتھ فلمیں دیکھ کر لطف اندوز ہورہے ہیں ہمیں اسی معیار کو برقرار رکھنا ہے تاکہ پاکستان کی فلم انڈسٹری مزید ترقی کرسکے۔