لاہور قلندرز نے پہلی بار پی ایس ایل سیمی فائنل میں رسائی حاصل کرلی

لاہور قلندرز کے کرس لین نے سنچری اور فخرزمان نے نصف سنچری اسکور کی

---

پی ایس ایل فائیو کے اہم ترین میچ میں لاہور قلندرز نے ملتان سلطانز کو شکست دیکر پہلی بار سیمی فائنل میں رسائی حاصل کرلی۔

قذافی اسٹیڈیم لاہور میں کھیلے گئے پاکستان سپر لیگ کے 28ویں میچ میں ملتان سلطانز نے خوشدل شاہ کی جارحانہ بلے بازی کی بدولت مقررہ 20 اوورز میں 6 وکٹ کے نقصان پر 186 رنز بنائے جس کے جواب میں لاہور قلندرز نے مطلوبہ ہدف کرس لین کی سنچری اور فخرزمان کی نصف سنچری کی بدولت ایک وکٹ پر پورا کرلیا۔

2 IDENTICAL SIXES

Fakhar bhai ki game on hai aaj

Play fantasy league at: https://t.co/4caay0eRhc#MSvLQ #HBLPSLV pic.twitter.com/QoYQvvPm8q

— PakistanSuperLeague (@thePSLt20) March 15, 2020

لاہور قلندرز کی جانب سے فخرزمان اور کرس لین نے ٹیم کو 100 رنز کا جارحانہ آغاز فراہم کیا، فخرزمان نے 25 گیندوں پر نصف سنچری اسکور کی تاہم وہ اپنی اننگز کا زیادہ آگے نہ بڑھاسکے اور 35 گیندوں پر 57 رنز کھیل کر آؤٹ ہوگئے۔

Wah Lynn!

Chris Lynn smacks the short ball out of the ground for a flat six.

Play fantasy league at: https://t.co/4caay0eRhc#MSvLQ #HBLPSLV pic.twitter.com/MpOYXdazP0

— PakistanSuperLeague (@thePSLt20) March 15, 2020

فخر کی وکٹ کے بعد کرس لین نے نہ صرف 22 گیندوں پر اپنی نصف سنچری مکمل کی بلکہ کپتان سہیل اختر کے ساتھ ملکر لاہور قلندرز کو جیت کی جانب گامزن رکھا اور پی ایس ایل میں اپنی پہلی سنچری 52 گیندوں پر مکمل کی، وہ اب تک ایونٹ میں لاہور قلندرز کی جانب سے سنچری کرنے والے پہلے بلے باز ہیں۔ ان کی اننگز میں 8 چھکے اور 12 چوکے شامل تھے۔

What a performance from Lynn Lahori! Incredible innings.#HBLPSLV #MSvLQ pic.twitter.com/6UrXmVkS8f

— PakistanSuperLeague (@thePSLt20) March 15, 2020

اس سے قبل لاہور قلندرز کے کپتان سہیل اختر نے ٹاس جیت کر پہلے فیلڈنگ کرنے کا فیصلہ کیا۔ معین علی اور ذیشان اشرف نے اننگز کا آغاز کیا تاہم شاہین آفریدی نے پہلے ہی اوور میں معین علی کو پویلین واپس بھیج دیا اور اگلے ہی اوور میں ذیشان بھی محمد حفیظ کا شکار بنے، دونوں بالترتیب 1 اور 2 رنز بناکر آؤٹ ہوئے۔

SHAHEEN SHAH AFRIDI IS A NATIONAL TREASURE!

One of the most beautiful deliveries you will see!

Play fantasy league at: https://t.co/4caay0eRhc#MSvLQ #HBLPSLV pic.twitter.com/iNwOp0velm

— PakistanSuperLeague (@thePSLt20) March 15, 2020

کپتان شان مسعود اور روی بوپارا نے ذمہ داری کا مظاہرہ کرتے ہوئے 75 رنز کی اہم شراکت داری قائم کی، شان مسعود 42 اور روی بوپارا 33 رنز بنانے کے بعد ڈیوڈ ویسا کا شکار بنے۔ ایونٹ میں اپنا پہلا میچ کھیلنے والے اسد شفیق صرف ایک رنز کے ہی مہمان ثابت ہوئے۔

Do Ballein Do Chakkay!

Khushdil dispatches two decent deliveries out of the park.

Play fantasy league at: https://t.co/4caay0eRhc#MSvLQ #HBLPSLV pic.twitter.com/OOgzuf63Rn

— PakistanSuperLeague (@thePSLt20) March 15, 2020

میچ کے اختتامی اوورز میں خوشدل شاہ اور روہیل نذیر نے جارحانہ کھیل پیش کرتے ہوئے لاہور قلندرز کے لیے مشکلات کھڑی کردیں اور اپنی ٹیم کو ایک اچھا ٹوٹل دینے میں کامیاب رہے۔ روہیل نذیر 17 گیندوں پر 24 رنز بنانے کے بعد آؤٹ ہوئے۔ خوشدل شاہ نے صرف 22 گیندوں پر نصف سنچری اسکور کی، وہ 29 گیندوں پر 70 رنز بناکر ناٹ آؤٹ رہے جس میں 6 چھکے اور 5 چوکے شامل تھے۔

لاہور قلندرز کی جانب سے ٰڈیوڈ ویسا اور شاہین آفریدی نے 2،2 جب کہ محمد حفیظ نے ایک وکٹ حاصل کی۔

کورونا وائرس کی وجہ سے پیدا ہونے والی صورتحال کے باوجود لاہور قلندرز کے غیر ملکی کھلاڑیوں نے وطن واپسی کا فیصلہ نہیں کیا اور آج ملتان سلطانز کے خلاف تمام غیر ملکی کھلاڑی ایکشن میں ہیں۔

واضح رہے یہ میچ لاہور قلندرز کے لیے کوارٹر فائنل کی حیثیت رکھتا ہے کیوں کہ جیت کی صورت میں وہ سیمی فائنل میں پہنچ جائیں گے البتہ شکست کی صورت میں انہیں آج ہی کراچی کے نیشنل اسٹیڈیم میں شیڈول کراچی کنگز اور کوئٹہ گلیڈی ایٹرز کے درمیان مقابلے کا انتظار کرنا ہوگا جہاں کوئٹہ کی شکست ہی انہیں اگلے مرحلے میں پہنچاسکتی ہے۔