پاکستان اسٹاک ایکسچینج میں شدید مندی انڈیکس 33 ہزار تک گرگیا
شدید مندی کے باعث ٹریڈنگ 45 منٹ کے لیے روکی گئی تاہم دوبارہ شروع ہونے پر انڈیکس مزید نیچے آگیا
شدید مندی کے بعد اسٹاک ایکسچینج میں ٹریڈنگ 45 منٹ کے لیے روک دی گئی۔فوٹو: فائل
اسٹاک ایکسچینج میں شدید مندی کے باعث انڈیکس 33 ہزار کی سطح تک گرگیا ہے۔
پاکستان اسٹاک ایکسچینج میں کاروباری ہفتے کے پہلے روز شدید مندی دیکھنے میں آئی اور 100 انڈیکس 1500 سے زائد پوائنٹس کی کمی کے بعد 36 ہزار سے 34400 کی سطح تک گرگیا، 16سو پوائنٹس کی کمی کے بعد اسٹاک ایکسچینج میں ٹریڈنگ 45 منٹ کے لیے روک دی گئی۔
45 منٹ معطلی کے بعد جب کاروبار شروع ہوا تو انڈیکس کی 5.19 فیصد کمی سے 34100 پوائنٹس کی سطح پر ٹریڈنگ ہوئی تاہم تھوڑی دیر بعد انڈیکس 34 ہزار پوائنٹس کی نفسیاتی سطح بھی کھوگیا اور انڈیکس 6.02 فیصد کمی سے 33800 پوائنٹس پر آگیا۔
خودکار نظام کے تحت 4 فیصد سے زائد اُتار چڑھاؤ پر مارکیٹ میں کاروبار معطل کردیا جاتا ہے، گزشتہ ہفتے پیر، جمعرات اور جمعہ کو بھی مارکیٹ ہالٹ کے تحت ٹریڈنگ 45 منٹ تک بند کی گئی تھی۔ شدید مندی کی وجہ سے 6 کاروباری سیشنز کے دوران مارکیٹ کو 4 بار بند کرنا پڑا۔
دوسری جانب انٹر بینک میں ڈالر ایک روپے 48 پیسے سستا ہوگیا جس کے بعد ڈالر کی قیمت 157 روپے 50 پیسے ہوگئی ہے۔
پاکستان اسٹاک ایکسچینج میں کاروباری ہفتے کے پہلے روز شدید مندی دیکھنے میں آئی اور 100 انڈیکس 1500 سے زائد پوائنٹس کی کمی کے بعد 36 ہزار سے 34400 کی سطح تک گرگیا، 16سو پوائنٹس کی کمی کے بعد اسٹاک ایکسچینج میں ٹریڈنگ 45 منٹ کے لیے روک دی گئی۔
45 منٹ معطلی کے بعد جب کاروبار شروع ہوا تو انڈیکس کی 5.19 فیصد کمی سے 34100 پوائنٹس کی سطح پر ٹریڈنگ ہوئی تاہم تھوڑی دیر بعد انڈیکس 34 ہزار پوائنٹس کی نفسیاتی سطح بھی کھوگیا اور انڈیکس 6.02 فیصد کمی سے 33800 پوائنٹس پر آگیا۔
خودکار نظام کے تحت 4 فیصد سے زائد اُتار چڑھاؤ پر مارکیٹ میں کاروبار معطل کردیا جاتا ہے، گزشتہ ہفتے پیر، جمعرات اور جمعہ کو بھی مارکیٹ ہالٹ کے تحت ٹریڈنگ 45 منٹ تک بند کی گئی تھی۔ شدید مندی کی وجہ سے 6 کاروباری سیشنز کے دوران مارکیٹ کو 4 بار بند کرنا پڑا۔
دوسری جانب انٹر بینک میں ڈالر ایک روپے 48 پیسے سستا ہوگیا جس کے بعد ڈالر کی قیمت 157 روپے 50 پیسے ہوگئی ہے۔