کورونا کی وجہ سے عوام کو بہار کے بجائے گرمی کا انتظار

23،24  مارچ کو بارش سے موسم پھر خوشگوار ہوجائے گا،چیف میٹریالوجسٹ (فوٹو: فائل)

---

کورونا وائرس ختم کرنے کیلیے موسم کی تبدیلی بھی سست روی کا شکار ہوگئی لوگ موسم بہار کی بجائے گرمی کا شدت سے انتظار کرنے لگے۔

گرمی کی شدت آنے میں کم وبیش ایک ماہ لگ سکتا ہے، مارچ کا پورا مہینہ موسم خوشگوار رہے گا، اوسطادرجہ حرارت پندرہ ڈگری سینٹی گریڈ تک پہنچ سکا ہے۔

کورونا وائرس کو مارنے کیلیے درجہ حرارت کم سے کم تیس ڈگری سینٹی گریڈ تک پہنچنا چاہیے، مختلف ممالک کی طرح پاکستان اور لاہور میں بھی کورونا وائرس کے پھیلاؤ کو روکنے کے لئے حکومتی اقدامات کئے جا رہے ہیں۔

ماہرین کے مطابق مذکورہ وائرس 27,30 ڈگری سینٹی گریڈ گرمی میں خودبخود مرجاتا ہے جس کے پیش نظر لوگوں کی بڑی تعداد نے اب موسم بہارکی بجائے وائرس کو مارنے کیلئے فوری گرمی کا انتظار کرنا شروع کردیا ہے۔

لاہور میں اس وقت کم سے کم درجہ حرارت 11.5جبکہ زیادہ سے زیادہ26.3 ڈگری سینٹی گریڈ ریکارڈ کیا گیاہے، یوں اوسط درجہ حرارت پندرہ ڈگری سینٹی گریڈ ریکارڈ کیا گیا ہے جو کورونا وائرس کو مارنے کے لئے ناکافی ہے۔