پی ایس ایل ملتوی ہونے کا افسوس ہے لیکن حفاظت سب سے پہلے محمد حفیظ     

موجودہ حالات میں پاکستان سپر لیگ ملتوی کرنے کا اقدام ٹھیک فیصلہ ہے، محمد حفیظ۔ فوٹو : فائل     

---

قومی کرکٹر محمد حفیظ کا کہنا ہے کہ پی ایس ایل ملتوی ہونے کا افسوس لیکن سب سے پہلے حفاظت ہے۔

سماجی رابطے کی سائٹ ٹوئٹر پر قومی کرکٹر محمد حفیظ نے کہا کہ موجودہ حالات میں پی سی بی کا پاکستان سپر لیگ ملتوی کرنے کا اقدام ٹھیک فیصلہ ہے، لیگ ملتوی ہونے کا افسوس ہے لیکن حفاظت سب سے پہلے ہے جب کہ سب کو حفاظتی تدابیر اختیار کرنی چاہئیں۔

Postponing #HBLPSL2020 Due to #Corona is a wise decision from @TheRealPCB according to present circumstances. Sad but Health & Safety comes 1st, we all need to observe Precautions carefully. #StaySafe pic.twitter.com/TNtXCwmgRC

— Mohammad Hafeez (@MHafeez22) March 17, 2020

واضح رہے کہ لاہور میں پی سی بی اور فرنچائزز مالکان کا اجلاس ہوا تھا جس میں پی سی بی نے فرنچائزز مالکان سے مشاورت کے بعد پاکستان سپر لیگ غیر معینہ مدت کے لیے ملتوی کرنے کا حتمی فیصلہ کیا۔ پی سی بی کی جانب سے جاری بیان کے مطابق پی ایس ایل 2020 کو ملتوی کردیا گیا ہے اور بقیہ میچز کو نئی تاریخوں میں کرایا جائے گا، تاہم اس معاملے کی مزید تفصیلات بعد میں جاری کی جائیں گی۔