نہ چاہتے ہوئے بھی پی ایس ایل ادھوری چھوڑ کر وطن واپسی کا فیصلہ کیا، الیکس ہیلز
سماجی رابطے کی ویب سائٹ ٹوئٹر پر اپنے تحریری پیغام میں انگلش کرکٹر الیکس ہیلز نے کہا کہ کرکٹ کی دنیا اور سوشل میڈیا پر میرے حوالے سے افواہیں گردش کررہی ہیں، بہتر سمجھتا ہوں کہ صورتحال کو مکمل طور پر واضح کردوں۔
https://twitter.com/AlexHales1/status/1239882992723640325
الیکس ہیلز نے کہا کہ عالمی وبا کورونا کے پیش نظر دیگر غیرملکی کرکٹرز کے ہمراہ میں نے بھی نہ چاہتے ہوئے پی ایس ایل ادھوری چھوڑ کر واطن واپسی کا فیصلہ کیا، میرا خیال تھا کہ لاک ڈاﺅن ہونے پر ہزاروں دور بیٹھنے کے بجائے اپنی فیملی کے ساتھ ہونا زیادہ اہم ہوگا۔
برطانوی کھلاڑی نے مزید کہا کہ ہفتہ کی صبح انگلینڈ پہنچا تو مکمل صحتیاب اور کورونا وائرس کی کوئی علامات نہیں تھیں تاہم اتوار کی صبح بیدار ہوا تو بخار کی کیفیت تھی، خشک کھانسی بھی ہورہی تھی، حکومتی ہدایت کے مطابق خود کو تنہا کرلیا ہے، ابھی تک میرا ٹیسٹ ممکن نہیں ہوا، شام تک متوقع ہے، رپورٹ آنے کے بعد میں اپنی صحت کے بارے میں مزید اپ ڈیٹ دوں گا۔
So here is an official version, @AlexHales1 denies Gulf News' story. Thank you and stay safe, Sir! https://t.co/R4syWwVaxk https://t.co/a1INyp3BuQ
— Ajmal Jami (@ajmaljami) March 17, 2020
اس سے قبل سماجی رابطے کی ویب سائٹ پر نجی ٹی وی کے اینکر پرسن کی ٹوئٹ پر جواب دیتے ہوئے انگلش کرکٹر الیکس ہیلز نے کہا کہ جعلی خبریں پھیلانا بند کردیں، یہ خطرناک رویہ ہے۔
اس خبر کو بھی پڑھیں؛ رمیز راجہ کا ایلیکس ہیلز میں کورونا وائرس کا خدشہ
قومی ٹیم کے سابق ٹیسٹ کرکٹر اور معروف تجزیہ کار رمیز راجا نے کراچی کنگز کی نمائندگی کرنے والے برطانوی کرکٹر الیکس ہیلز کا نام لیتے ہوئے کہا کہ ان میں کورونا وائرس مثبت آنے کے حوالے سے خبریں گردش کررہی ہیں اسی حوالے سے نجی ٹی وی کے اینکرپرسن نے الیکس ہیلز کی تصویر کے ہمراہ گلف نیوز کا لنک بھی شیئر کرتے ہوئے کہا کہ خبر کی تصدیق ہوگئی۔
پی سی بی کے چیف ایگزیکٹو وسیم خان نے بھی اپنی پریس کانفرنس میں کہا کہ کنگز کے ایک غیرملکی کھلاڑی میں وائرس کے خدشات سامنے آے ہیں، یہ غیرملکی اب واپس جاچکا ہے، اس کرکٹر کا نام رازداری میں رکھ رہے ہیں۔
اس خبر کو بھی پڑھیں؛ غیر ملکی کھلاڑی میں کورونا کی علامات کے باعث پی ایس ایل ملتوی کیا، وسیم خان
واضح رہے الیکس ہیلز نے پی ایس ایل میں کراچی کنگز کی جانب سے 7 میچز کھیلے تاہم کورونا وائرس کے خدشات کے پیش نظر پی سی بی کی جانب سے پی ایس ایل چھوڑنے کی آفر پر وہ انگلینڈ واپس چلے گئے تھے تاہم آج الیکس ہیلز میں کورونا وائرس کی علامات پائے جانے کی اطلاعات پر پی ایس ایل کو ملتوی کرنے کو اہم جواز قرار دیا گیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔