کورونا وائرس کے باعث پیپلزپارٹی نے تمام سیاسی سرگرمیاں معطل کردیں

وزیراعظم سے اپیل کرتا ہوں کہ وہ وزیراعلی سندھ کی سفارشات کا فوری نفاذ کریں، بلاول بھٹو فوٹو: فائل

---

ISLAMABAD: پاکستان پیپلزپارٹی تمام غیرضروری سیاسی سرگرمیوں کو معطل و مؤخر کررہی ہے۔

سماجی رابطے کی ویب سائٹ ٹویٹر پر اپنی ٹویٹ میں چیئرمین بلاول بھٹو زرداری نے اعلان کیا کہ کورونا وائرس کی صورت حال پر آگاہی کے حوالے سے اجلاس میں شرکت کی، سندھ حکومت کی آگاہی کے بعد ہر فرد کی حفاظت کے تناظر میں مجھے اہم اعلان کرنا ہے کہ پیپلز پارٹی تمام غیرضروری سیاسی سرگرمیوں کو معطل و مؤخر کررہی ہے۔

چیئرمین پیپلزپارٹی کا کہنا تھا کہ 4 اپریل کو ذوالفقار علی بھٹو کی برسی کے سلسلے میں ہونے والا پارٹی کا سالانہ اجتماع بھی مؤخر کردیا گیا ہے، کارکنان کرونا وائرس کی وبا سے نمٹنے کے لئے لوگوں کی مدد کریں، صوبائی حکومت کے ساتھ تعاون کریں اور سماجی دوری کی مشق کرنے کے ساتھ خود بھی حفظان صحت کے اصولوں پر عمل کریں۔

The Pakistan Peoples Party annual gathering on April 4th to pay tribute to Shaheed Zulfikar Ali Bhutto is postponed & all mobilization activities in this regard should be halted immediately across the country. 3/4

— BilawalBhuttoZardari (@BBhuttoZardari) March 17, 2020

بلاول بھٹو نے کہا کہ سندھ حکومت قابل تعریف ہے کہ وہ سب کچھ کررہی ہے جو اس کے اختیار میں ہے، کورونا وائرس کے بحران سے نمٹنے کیلئے سندھ حکومت تمام حکومتوں سے بہتر ہے، وزیراعظم سے اپیل کرتا ہوں کہ وہ وزیراعلی سندھ کی سفارشات کا فوری نفاذ کریں۔