کورونا کیخلاف آگاہی مہم ”سلیوٹ سلام“ فخر زمان نے ویڈیو بیان جاری کر دیا

”سلیوٹ سلام“ کی عادت اپنا کر خود کو کرونا سے بچائیں، فخرزمان

---

قومی کرکٹ ٹیم کے اوپننگ بلے باز فخرزمان بھی کورونا کے خلاف مہم کا حصہ بن گئے۔

لاہور قلندرز کے جارح مزاج بلے باز فخرزمان نے پنجاب حکومت کی جانب سے شروع کی جانے والی آگاہی مہم "سلیوٹ سلام" کے حوالے سے ویڈیو بیان جاری کیا ہے جس میں ان کا کہنا تھا کہ وائرس کے خلاف جنگ میں ہم سب یکجا ہیں، پوری دنیا کورونا سے نبرد آزما ہے، احتیاط، احتیاط اور احتیاط ہی اس کا توڑ ہے۔

Fakhar Zaman presents full-support to @GOPunjabPK in countering Corona Virus. Here are a few vital health tips to keep you safe!#DamaDamMast #MainHoonQalandar #DilSe #HBLPSL #MSvLQ #CoronaVirusPakistan pic.twitter.com/F4S1AjErrS

— Lahore Qalandars (@lahoreqalandars) March 15, 2020

فخرزمان نے کہا کہ "سلیوٹ سلام" کی عادت اپنا کر خود کو کرونا سے بچائیں، بار بار ہاتھ دھوئیں، غیر ضروری میل ملاپ سے اجتناب کریں، شہری حکومت پنجاب کے ساتھ تعاون کو یقینی بنائیں، انہوں نے اس عزم کا اعادہ کیا کہ حکومت ، ڈاکٹرز اور پیرامیڈیکل سٹاف کے ساتھ مل کر کورونا کو شکست دیں گے۔