امریکا کا کورونا وائرس کے مقابلے کیلئے پاکستان کو 10 لاکھ ڈالرامداد دینے کا اعلان

امریکا سے تربیت یافتہ 100 پاکستانی گریجویٹ کورونا وائرس کی تشخیص کے لیے پاکستان میں کام کررہے ہیں، ایلس ویلز.فوٹو، فائل

---

امریکا نے کورونا وائرس سے مقابلے کے لیے پاکستان کو 10 لاکھ ڈالر امداد دینے کا اعلان کیا ہے۔

امریکا کی نائب وزیر خارجہ برائے جنوبی و وسطی ایشیا ایلس ویلز نے جمعے کو ایک ٹوئٹ میں اعلان کیا کہ کووڈ 19 کے مقابلے کے لیے امریکا اور پاکستان کی حکومتیں مل کر کام کررہی ہیں۔ پاکستان میں وبا کی روک تھام ، نگرانی اور فوری اقدامات کے نظام میں بہتری کے لیے امریکی حکومت دس لاکھ ڈالر کی ابتدائی امداد فراہم کرے گی۔

And the U.S. and #Pakistan are longstanding partners in tackling global health challenges. There are 100+ recent Pakistani graduates of @CDCgov's epidemiology lab training on the ground investigating #COVID19 cases in #GilgitBaltistan & #Punjab right now. AGW #Partners4Prosperity

— State_SCA (@State_SCA) March 19, 2020

انہوں نے مزید کہا کہ صحت کے عالمی چیلنجز سے نمٹنے کے لیے امریکا اور پاکستان کے مابین دیرینہ شراکت داری ہے۔ امریکا کے سینٹر فور ڈیزیز کنٹرو اینڈ پریوینشن سے تربیت حاصل کرنے والے 100سے زائد پاکستانی گریجویٹ پنجاب اور گلگت بلتستان میں سامنے آنے والے کیسز کی تشخیص میں مصروف ہیں۔

پاکستان میں کورونا وائرس سے متاثرین کی تعداد 481 اور 3 اموات کی تصدیق ہوچکی ہے۔ احتیاطی تدابیر کے پیش نظر ملک کے کئی حصوں میں عوامی و معاشی سرگرمیاں معطل کی جاچکی ہیں۔