شہبازشریف کا آنا خوش آئند ہےورنہ پارٹی پران کےدوستوں کاقبضہ ہوگیا تھا فواد چوہدری

میرا کورونا وائرس کا ٹیسٹ منفی ہے، وفاقی وزیر فوٹو: فائل

---

وفاقی وزیر سائنس اینڈ ٹیکنالوجی فواد چوہدری کا کہنا ہے کہ شہباز شریف کا آنا خوش آئند ہے ورنہ پارٹی پر ان کے دوستوں کا قبضہ ہوگیا تھا۔

وفاقی وزیر سائنس اینڈ ٹیکنالوجی فواد چوہدری کا کہنا ہے کہ 24 گھنٹوں سے زیادہ قرنطینہ کے بعد ابھی مجھے رپورٹ ملی ہے کہ میرا کورونا وائرس کا ٹیسٹ منفی ہے، ٹیسٹ کے بعد کا انتظار اعصاب شکن تھا لیکن اللہ کا شکر ہے کہ اچھی خبر ملی، احتیاط کا دامن ہاتھ سے نہیں چھوڑنا انشاللہ انسانیت سرخرو ہوگی اور ہم اس وباء کو شکست دے پائیں گے۔

چوبیس گھنٹوں سے زیادہ قرنطینہ کے بعد ابھی مجھے رپورٹ ملی ہے کہ میرا COVID 19 منفی ہے، ٹسٹ کے بعد کا انتظار اعصاب شکن تھا لیکن اللہ کا شکر ہے کہ اچھی خبر ملی، لیکن احتیاط کا دامن ہاتھ سے نہیں چھوڑنا انشاللہ انسانیت سرخرو ہو گی اور ہم اس وباء کو شکست دے پائیں گے۔ #Coronavirus

— Ch Fawad Hussain (@fawadchaudhry) March 22, 2020

فواد چوہدری نے کہا شہباز شریف کی فلائٹ کو آنے دینا بہت خوش آئند ہے، وہ اپوزیشن لیڈر ہیں ان کی واپسی کے لیے بڑی محنت ہوئی ورنہ پارٹی پر ان کے دوستوں کا قبضہ ہوہی گیا تھا، امید ہے باقی فیملی بھی اسی طرح واپس آئے گی، جو پیسے ان کی طرف بنتے ہیں اس کا پلی بارگین کریں اور بے شک لندن میں رہیں۔

شہباز شریف کی فلائیٹ کو آنے دینا بہت خوش آئند ہے، وہ لیڈرآف اپوزیشن ہیں ان کی واپسی کیلئے بڑی محنت ہوئ ورنہ پارٹی پر ان کے دوستوں کا قبضہ ہو ہی گیا تھا امید ہے باقی فیملی بھی اسی طرح واپس آئے گی، جو پیسے ان کی طرف بنتے ہیں اس کا پلی بارگین کریں اور بے شک لندن رہیں ۔۔

— Ch Fawad Hussain (@fawadchaudhry) March 22, 2020