معمر رانا ثنا طویل عرصے بعد فلم میں اکٹھے جلوہ گر ہونگے

لالی ووڈ اداکارہ ثنا اور معمر رانا طویل عرصے بعد کسی فلم میں دوبارہ اکٹھے ہو گئے ہیں ۔

معلوم ہوا ہے کہ ٹی وی ہدایت کار شاہد ظہور نے اپنی پہلی فلم ''لو یو سوں رب دی'' کے مرکزی کرداروں میں اداکارہ ثناء اور معمررانا کو سائن کر لیا ہے جس کی عکسبندی وہ نئے سال میں شروع کرنے جا رہے ہیں۔




اس فلم کا اسکرپٹ سورج بابا نے لکھا ہے۔ شاہد ظہور ان دنوں مذکورہ فلم کی دیگر کاسٹ ، میوزک سمیت پیپرورک کوحتمی شکل دینے میں لگے ہوئے ہیں۔ واضح رہے کہ اداکارہ ثناء اور معمر رانا ''ریشماں'' سمیت متعدد فلموں میں مرکزی کردار نبھا چکے ہیں۔