شہر کے درجہ حرارت میں آج سے اضافہ ہوگا

مغربی سسٹم کے اثرات زائل ہونے کے بعد شہر میں سمندری ہوائیں بحال ہوچکی ہیں، محکمہ موسمیات (فوٹو: فائل)

---

شہر کے درجہ حرارت میں آج سے اضافہ ہونے کی توقع ہے۔

زیادہ سے زیادہ پارہ 36 ڈگری کو چھوسکتا ہے،محکمہ موسمیات کے مطابق آج سے شہر کا مطلع گرم اور قدرے خشک رہنے کی توقع ہے،جس کے دوران گرمی کا پارہ مذید ایک سے 2 ڈگری اضافے سے 36 ڈگری سینٹی گریڈ تک بڑھنے کی توقع ہے،محکمہ موسمیات کے مطابق اگلے 3 روز تک جذوی حدت برقرار رہنے کا امکان ہے۔

مغربی سسٹم کے اثرات زائل ہونے کے بعد شہر میں سمندری ہوائیں بحال ہوچکی ہیں، جس کی رفتار30 کلومیٹر تک بڑھ رہی ہے،محکمہ موسمیات کے مطابق بدھ کوشہر کا کم سے کم درجہ حرارت 20.5ڈگری جبکہ زیادہ سے زیادہ 34.5 ڈگری ریکارڈ ہوا،صبح کے وقت نمی کا تناسب 83 جبکہ شام کو 30 فیصد رہا،آج جمعرات کو مطلع گرم اور خشک رہنے کا امکان ہے۔