کراچی میں راشن کی تقسیم کا وقت اور طریقہ کار جاری

سندھ حکومت کے احکامات پر کمشنر کراچی نے راشن کی تقسیم کا طریقہ کار جاری کردیا، راشن کی تقسیم صبح 5 تا صبح 7 بجے کے درمیان ہوگی جس میں آٹا، دالیں، تیل، چاول اور مسالہ جات شامل ہوں گے۔


کمشنر کراچی کے جاری کردہ حکم نامے کے مطابق سندھ حکومت کی ہدایت پر راشن کی تقسیم رات کے آخری پہر میں کی جاسکتی ہے، اس لیے مستحق افراد میں راشن کے لیے صبح 5 بجے سے صبح 7 بجے کا وقت مقرر کیا گیا ہے۔

راشن کی تقسیم کے دوران ہجوم لگنے پر پابندی ہوگی، تقسیم صرف گھر پر ہی کی جاسکے گی، مستحق افراد میں ڈپٹی کمشنرز کی زیر نگرانی راشن دیا جائے گا، راشن بیگ میں 3 اقسام کی ایک ایک کلو دالیں، 2 کلو تیل، 10 کلو آٹا، 5 کلو چاول، ایک کلو سفید چنا، نمک اور 250 گرام لال مرچ، نمک، ہلدی اور پسا ہوا دھنیا شامل ہوگا۔