وزیراعظم کی زیر صدارت اجلاس تعمیراتی صنعت فوری کھولنے پر غور

مستحق افراد کو راشن پہنچانے کے لیے اقدامات کا جائزہ بھی لیا گیا

---

وزیراعظم کی زیر صدارت قومی رابطہ کمیٹی کا اجلاس ہوا جس میں مستحقین کو راشن پہنچانے کے اقدامات کا جائزہ لیا گیا۔

وزیراعظم کی زیر صدارت نیشنل کوآرڈینشن کمیٹی کا اجلاس ہوا جس میں صوبوں کے وزرائے اعلی اور عسکری حکام نے شرکت کی۔ وفاقی وزراء اور چیئرمین این ڈی ایم اے بھی اجلاس میں شریک ہوئے۔

اجلاس میں تعمیراتی صنعت فوری کھولنے سے متعلق فیصلوں کا جائزہ لیا گیا جبکہ مستحق افراد کو راشن پہنچانے کے لیے اقدامات پر غور کیا گیا جبکہ کورونا وائرس سے نمٹنے کے لئے اقدامات پر تفصیلی بات چیت بھی کی گئی۔

نیشنل ڈیزاسٹر مینجمنٹ اتھارٹی (این ڈی ایم اے) کے چیئرمین لیفٹیننٹ جنرل محمد افضل نے کورونا وائرس کی ٹیسٹنگ کٹس اور دیگر آلات کی درآمد سے متعلق کمیٹی کو بریفنگ دی۔