ٹارگٹ کلنگ اور بھتے کا سراغ سائبر کرائم سرکل سے لگایا جائیگا

کراچی پولیس نے ایف آئی اے مدد حاصل کرلی، ایس ایم ایس کا ڈیٹا ریکورکیا جارہاہے،ذرائع

Adil Jawad December 02, 2013

کراچی پولیس نے ایف آئی اے مدد حاصل کرلی، ایس ایم ایس کا ڈیٹا ریکورکیا جارہاہے،ذرائع فوٹو: فائل

کراچی پولیس نے ٹارگٹ کلنگ کے گرفتارملزمان کے ساتھیوں اورتاجروں کو بھتے کیلیے بھیجے جانے والے موبائل فون میسیجز کا ماخذ معلوم کرنے کیلیے ایف آئی اے کے سائبرکرائم سرکل سے مددحاصل کرلی۔

تفصیلات کے مطابق کراچی میں جرائم پیشہ افراد،بھتہ مافیا اورٹارگٹ کلنگ میں ملوث گروہوں کیخلاف بڑے پیمانے پرآپریشن گزشتہ چندماہ سے جاری ہے،آپریشن کے دوران پولیس اوررینجرزنے ہزاروں کی تعدادمیں چھاپہ مارکارروائیوںکے دوران بڑے پیمانے پراسلحہ،گولہ بارودوغیرہ برآمدکیاہے اورسیکڑوں کے تعدادمیں ملزم گرفتاربھی کیے گئے ہیں،ذرائع کے مطابق خاص طور پرٹارگٹ کلنگ میں ملوث ملزمان سے برآمدہونے والے موبائل ٹیلی فونزکاڈیٹا ملزمان کی جانب سے ڈیلیٹ کردیے جانے کے سبب تفتیشی افسران کو ملزمان کے دیگر ساتھیوں اور ان کی سرپرستی کرنے والے بااثر افراد کی نشاندہی میں مشکلات کاسامناہے،موبائل فون کمپنیز نے ان موبائل فونزسے اور ان پر کی جانے والی کالز کا ڈیٹاتوحاصل کرلیا گیاہے تاہم موبائل فون کمپنیزمیسیجز کاڈیٹا فراہم کرنے میں ناکام ہے،اس صورتحال میں کراچی پولیس نے موبائل فون کے میسیجزکاڈیٹا ریکور کرنے کیلیے ایف آئی اے کے سائبرکرائم سرکل کی خدمات حاصل کی ہے۔

ایف آئی اے ذرائع کے مطابق سائبرکرائم سرکل کی فارینسک لیب اورماہرین موبائل فون اور دیگر الیکٹرانک ڈیوائسزکا ڈیٹا ریکور کرنے کی پوری طرح صلاحیت رکھتی ہیں اوراس سلسلے میں کراچی پولیس کی پوری طرح مدد کرنے کیلیے تیارہیں،ایف آئی اے کے فارینسک ماہرین کراچی پولیس کی جانب سے فراہم کیے جانے والے موبائل فونزکا ڈیٹاریکور کرنے میں مصروف ہیں، پولیس حکام کی جانب سے مختلف تاجروں کو ان کے موبائل فون پر بھتہ طلب کرنے کیلیے بھیجے جانے والے میسیجز کاماخذ معلوم کرنے کیلیے بھی ایف آئی اے حکام سے رابطہ کیاگیاہے،یہ میسیجزبھیجنے کیلیے موبائل فون کے بجائے کمپیوٹرسافٹ ویئرزکااستعمال کیا گیا ہے اور ایف آئی اے کے فارینسک ماہرین آئی پی ایڈریس کی مددسے ان ملزمان کاسراغ لگانے کی کوشش کررہے ہیں،ایف آئی اے ذرائع نے بتایا کہ کمپیوٹرسافٹ ویئر کے ذریعے بھیجے جانے والے میسیجز کا ماخذ معلوم کرنا ایک مشکل کام ہے کیونکہ ٹیکنالوجی سے باخبرملزمان میسیج بھیجتے وقت کسی اورملک کی آئی پی استعمال کرتے ہیں تاہم اس کے باوجوداگر میسیج پاکستان ہی میں موجود کسی کمپیوٹرکے ذریعے بھیجا گیاہوتاہے تووہ ایک طویل ایکسرسائز کرکے اس کاماخذ معلوم کرنے میں کامیاب ہوجاتے ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

ٹارگٹ کلنگ اور بھتے کا سراغ سائبر کرائم سرکل سے لگایا جائیگا

انٹرٹینمنٹ

شوٹنگ پر نہ پہنچنے والے نامور بھارتی اداکار کی لاش فلیٹ سے برآمد

کولڈ پلے کنسرٹ میں شاہ رخ خان کا چرچا، سوشل میڈیا پر دھوم مچ گئی

سیف علی خان پر حملے کے بعد کرینہ کپور کا پہلا بیان سامنے آگیا

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

ٹارگٹ کلنگ اور بھتے کا سراغ سائبر کرائم سرکل سے لگایا جائیگا

ہمارے ساتھ شامل ہوں

مقبول خبریں

انٹرٹینمنٹ

شوٹنگ پر نہ پہنچنے والے نامور بھارتی اداکار کی لاش فلیٹ سے برآمد

کولڈ پلے کنسرٹ میں شاہ رخ خان کا چرچا، سوشل میڈیا پر دھوم مچ گئی

سیف علی خان پر حملے کے بعد کرینہ کپور کا پہلا بیان سامنے آگیا

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین